ناوه‌ڕۆك
ناساندن
بیست لە باشترین شاری یارییەکانی جیهان (بە ئینگلیزی: twenty of the best game cities in the world، بە عەرەبی: عشرين من أفضل مدن الألعاب في العالم)، شاری یارییەکان لە هەموو جیهاندا خەڵک زۆرترین چێژیان لێدەبینێت، هەندێک لە شاری یارییەکان زۆرترین داهات بەدەست دەهێنن چونکە ڕۆژانە زۆرترین سەردانیکەریان لە سەرتاسەری جیهاندا هەیە.
بیست باشترین شاری یارییەکانی جیهان
١. تۆکیۆ دیزنی سی لە یابان
هاوینەهەواری تۆکیۆ دیزنی لە پێشەنگی لیستی دیارترین شاری یارییەکانە، تۆکیۆ دیزنی لاند زۆر لە ماجیک کینگدۆم لە فلۆریدا یان دیزنی لاند پارک لە کالیفۆرنیا دەچێت، بەڵام تۆکیۆ دیزنی سی ناوازەیە چەندان تەوەرەی دەریایی و زەوی خەیاڵی تێدایە کە ئیلهامیان لە کەناراوەکانی دەریای ناوەڕاست و عەرەبی و ئەمریکا وەرگرتووە.
٢. دیزنی لاند پارک لە ویلایەتە یەکگرتووەکانی ئەمریکا
کردنەوەی پارکی دیزنی لاند لە ساڵی ١٩٥٥ لە کالیفۆرنیا بۆ هەمیشە کاریگەری لەسەر پیشەسازی گەشتیاری و کولتووری ئەمریکی هەبوو. یەکەم پارکە گەشتیارییە لە کە هەمیشە فراوانتر دەبێت و تاکە پارکە کە لە ژێر چاودێری واڵت دیزنی تەواو بووە.
٣. ئیپکۆت لە ویلایەتە یەکگرتووەکانی ئەمریکا
ئێپکۆت کە دەکەوێتە هاوینەهەواری جیهانی واڵت دیزنی لە فلۆریدا، جۆرێکە لە پێشانگای هەمیشەیی جیهانەکان کە ئاهەنگ دەگێڕدرێت بۆ پێشکەوتنی مرۆڤ و تەکنەلۆژیا و کولتوورە نێودەوڵەتییەکان. نیوەی پێشەوەی پارکەکە لە ئاهەنگی جیهانی و سروشتی جیهانی و دۆزینەوەی جیهانی پێکهاتووە، نیوەی بەشێ دواوەی ١١ کۆشکی تێدایە کە دەکەوێتە دەوروبەری تاڤگەی نمایشی جیهانی. وەک هەموو پارکەکانی دیزنی ئێپکۆت شوێنی سەرنجڕاکێشی خێزان و چاوپێکەوتن و سڵاوکردنی کارەکتەرەکانی هەیە.
٤. باخچەکانی تیڤۆلی لە دانیمارک
یەکێکە لە کۆنترین پارکە گەشتیارییەکانی جیهان، باخچەی تیڤۆلی شوێنێکی سەرنجڕاکێشە کە دەکەوێتە ناوەندی کۆپنهاگن. مێژووی پارکەکە دەگەڕێتەوە بۆ ساڵی ١٨٤٣ و شوێنی ئەسپسواری و شانۆ و چێشتخانەکانی تێدایە کە بەسەر گۆڕەپان و باخچە دڵڕفێنەکانیدا بڵاوبوونەتەوە. لە جەژنەکاندا، پارکەکە بە فێستیڤاڵە ساڵانەیەکەیەوە زیاتر سەرنجڕاکێش دەردەکەوێت.
٥. دوورگە جیهانییەکانی سەرکێشی لە ئەمریکا
دووەم پارکی گەشتیارییە لە یونێڤێرساڵ ئۆرلاندۆ لە فلۆریدا، دوورگەکانی یونێڤێرساڵ زەوییەکی هەیە کە کۆمەڵێک بابەتی بەرفراوان دەگرێتەوە لە دکتۆر سیوسەوە کە دۆستی منداڵانە تا هاری پۆتەری بەناوبانگ. گرنگترین دیمەنەکانی پارکەکە بریتین لە یارییە سەرکێشەکان نموونەی جوراسیک وۆرلد ڤێلۆسیکۆستەر، هاگریدس بوونەوەرەکانی ماتۆڕسکیل ئەڤێنتچەر، و هاری پۆتەر و گەشتی قەدەغەکراو.
٦. ئێفتێلینگ لە هۆڵەندا
ئیفتێلینگ گەورەترین پارکە گەشتیارییەکانی هۆڵەندایە و یەکێکە لە پارکە گەشتیارییەکانی ئەورووپا کە زۆرترین سەردانی دەکرێت. یارییە سەرکێشییەکان و باخچە و شوێنە سەرنجڕاکێشەکانی لەسەر فۆلکلۆر و چیرۆکە ئەفسانەییەکانی هۆڵەندییە، لەنێویاندا دارستانێکی چیرۆکی ١٥ دۆنم کە زیاتر لە ٢٠ دیمەنی تێدایە.
٧. شاخی شەش ئاڵای جادوویی لە ویلایەتە یەکگرتووەکانی ئەمریکا
ئەم پارکە گەشتیارییە دەکەوێتە دەرەوەی لۆس ئەنجلۆس بۆ ئەوانەی بەدوای سەرکێشیدا دەگەڕێن زۆر گونجاوە. شاخەکە زۆرترین ڕۆلەر کۆستەری هەیە لە هەموو شاری یارییەک لە جیهاندا، بۆیە پایتەختی سەرکێشی جیهان بەدەستهێناوە. نوێترین کۆستەر لەم پارکەدا بریتییە لە فڕینی بوێری وەندەر وومن.
٨. شانشینی ئاژەڵانی دیزنی لە ئەمریکا
ئەم شوێنەی جیهانی دیزنی نیوەی باخچەی ئاژەڵان و نیوەی پارکی گەشتیارییە، بە تەواوی تایبەتە بە ئاژەڵی ڕاستەقینە و ئاژەڵی خەیاڵی، ئاژەڵی زیندوو و ئاژەڵی لەناوچوو. پارکەکە هەندێک لە باشترین یارییە سەرکێشیەکانی هەیە لەوانە فڕینی ئاڤاتاری پاساژ لە خاکی فانتازیا پاندۆرا، ئێکسپێدیشن ئێڤرێست و سەفاری کیلیمانجارۆ، هەروەها ڕێگە بە میوانەکان دەدرێت ئاژەڵە زیندووەکان ببینن لەوانە فیل، زەڕافە و زیبرا.
٩. ئەورووپا پارک لە ئەڵمانیا
گەورەترین پارکە گەشتیارییەکانی ئەڵمانیایە و پارکێکی گەشتیارییە کە لە ئەورووپایە و زیاتر لە١٠٠ شوێنی سەرنجڕاکێش و ١٨ ناوچەی تایبەتمەندی هەیە. کە ١٥ـیان نوێنەرایەتی وڵات و ناوچە جیاوازەکانی دەوروبەری ئەورووپا دەکەن.
١٠. دۆلیوود لە ئەمریکا
دۆلیوود کە خاوەندارێتی دۆلی پارتۆنە لە شاری پیجۆن فۆرج پڕە لە دەیان یاری سەرکێشی و مۆسیقای زیندوو و خواردنی تایبەت، هەموو ئەمانە لە شوێنێکی جوانی شاخی سمۆکیدا کۆبوونەتەوە. دۆلیوود پارکێکی ناوازەیە و زیاتر تایبەتە بە خێزانەکان و ساڵانە چوار فێستیڤاڵ سازدەکات.
١١. باخچەکانی بوش ویلیامزبێرگ لە ئەمریکا
لەم پارکە گەشتیارییەدا لە ویلیامزبێرگ لە ویلایەتی ڤێرجینیا شێوازی ئەورووپا بوونی هەیە، کە ناوچەکانی تەرخانکراوە بۆ ئیتاڵیا، سکۆتلەندا، ئینگلتەرا، ئێرلەندا، فەرەنسا و ئەڵمانیا. یارییەکانی ڕێیی مەرگ، شوێنە سەرنجڕاکێشەکانی منداڵان، نمایشە ڕاستەوخۆکان و خواردنە نێودەوڵەتییەکان لەم پارکەدا بوونیان هەیە، زۆرجار لە ڕیزبەندی جوانترینەکانی ئەمریکادایە.
١٢. ستۆدیۆی یونێڤێرساڵ ژاپۆن لە ژاپۆن
ژاپۆن شوێنی هەندێک لە باشترین شاری یارییەکانی جیهانە، ستۆدیۆی یونێڤێرساڵ ژاپۆن کە دەکەوێتە ئۆساکا بابەت و سەرنجڕاکێشییەکانی هاوتا ئەمریکییەکانی لەخۆدەگرێت و هەروەها شوێنی یەکەمین جیهانی سوپەر نینتێندۆیە، کە ناوچەیەکی یاری سەرکێشی و چێشتخانەکانی تایبەتە بە ماریۆ.
١٣. پارکی ئەستریکس لە فەڕەنسا
فەڕەنسا چەندین پارکی گەشتیاری گەورەی هەیە، پارکەکەی ئەستێریکس ئەزموونێکی ناوازەی پارکە گەشتیارییەکەی فەڕەنسی پێشکەش دەکات لەسەر بنەمای ئەستێریکس کە زنجیرە کتێبی کۆمیکی فەڕەنسییە، پارکەکە ٤٢ شوێنی سەرنجڕاکێشی هەیە.
١٤. شانیشنی جادوویی له ویلایەتە یەکگرتووەکانی ئەمریکا
شانشینی جادوویی بەناوبانگترین باخچەیە لە جیهاندا، شێوازی دیزاینەکەی و ڕووکارەکانی و سەرنجڕاکێشەکانی لەسەر بنەمای پارکی دیزنی لاند لە کالیفۆرنیا بووە، بەڵام هەندێک وردەکاری جیایان دەکاتەوە لەوانە قەڵای ساندرێلای سەرنجڕاکێش کە لەناوەڕاستی باخچەکەدایە.
١٥. پارکی پۆرت ئەڤێنتورا لە ئیسپانیا
پارکی پۆرت ئەڤێنتورا دەکەوێتە کەنار دەریاکان کە تەنها نزیکەی کاتژمێرێک لە باشووری بەرشەلۆنەوە دوورە، شەش زەوی هەیە کە باس لە چین، پۆلینیزیا، مەکسیک، دەریای ناوەڕاست، ڕۆژاوای دوور دەکەن و لەگەڵ بوونی یارییە سەرکێشییەکان کە ئەم پارکەی سەرنجڕاکێشتر کردووە.
١٦. جیهانی فێراری ئەبوزەبی لە ئیماراتی عەرەبی یەکگرتوو
ئەم پارکە گەشتیارییە کە بە پلەی یەکەم لە فێرارییەوە وەرگیراوە لە ئەبوزەبی، ماڵی خێراترین ڕۆلەر کواستەری جیهانە کە فۆرمۆلا ڕۆسایە کە خێراییەکەی دەگاتە ١٤٩ میل لە کاتژمێرێکدا، ئەم پارکە دڵخوازی هەوادارانی سەرکێشییەکانی ئۆتۆمبێلە.
١٧. ستۆدیۆکانی هۆڵیوود لە ئەمریکا
لە ساڵی ١٩١٥ وەک گەشتێکی ستۆدیۆ دامەزرا، گەشەی کرد بووە یەکێک لە بەناوبانگترین پارکەکان و خاوەن چەندین باخچەی گەشتیارییە.
١٨. شاری یاری ئێڤەرلاند لە کۆریای باشوور
ئێڤەرلاند کە دەکەوێتە شاری یۆنگی گەورەترین پارکە گەشتیارییەکەی کۆریای باشوورە، شوێنی پێشانگای جیهانی، زۆتۆپیا، زەوی جادوویی هەیە، هەروەها پارکەکە میوانداری فێستیڤاڵێکی گوڵی تۆلیپ دەکات کە هەموو بەهارێک ئەنجام دەدرێت.
١٩. ئاڵتۆن تاوەرز لە ئینگلتەرا
ئاڵتۆن تاوەرز دەکەوێتە لادێکانی ستافۆردشایر، سەردەمانێک موڵکێکی تایبەت بووە و مێژووەکەی دەگەڕێتەوە بۆ سەدان ساڵ لەمەوبەر.
٢٠. شەنگەهای دیزنی لاند لە چین
شەنگەهای دیزنی لاند لە ساڵی ٢٠١٦ کرایەوە و بەمەش بووە نوێترین پارکە نێودەوڵەتییەکانی دیزنی لە جیهاندا. ئەوەش بە واتای ناوەندێکە بۆ هەندێک لە نوێترین و سەرنجڕاکێشترین شوێنە سەرنجڕاکێشەکانی دیزنی، لەوانەش کۆستەری تەوەرەی ترۆن و بەلەمی کلاسیکی چەتەی دەریای کاریبی.
