ناوه‌ڕۆك
ناساندن
سیرەم یان سیرۆم (بە ئینگلیزی: serum، بە عەرەبی: سیروم) سیرەمی دەموچاو بەرهەمێکی بەهێزی چاودێری پێستە کە دەتوانێت نیگەرانییەکانی پێستی دیاریکراو بکاتە ئامانج وەک وشکبوون، گرژبوون، سووربوونەوە یان ناڕێکیەک لە پێستدا. دەوڵەمەندن بە پێکهاتەی بەهێزی چاودێری پێست بۆ گەیاندنی سوودی تایبەت بە پێست. هاوکێشەکانی سیرەم بە شێوەیەکی گشتی نەرمن لەسەر پێست و پێست شێداردەکەنەوە.
سیرەم بۆ چی بەکاردێت؟
لە ڕۆتینی چاودێری پێستدا سیرەمەکانی دەموچاو بەکاردێن بۆ گەیاندنی پێکهاتەیەکی چاودێری پێست کە تەندروستی پێست بە گشتی بەهێز دەکات. سێرۆمەکانی ڕوخسار چەند هاوکێشەیەکی چڕکراوەن کە یارمەتی کێشە دیاریکراوەکانی پێست دەدەن وەک سووربوونەوە، گەورەبوونی کونیلەکان، وشکبوون، لاوازی یان نیشانەکانی پیربوون.
سوودەکانی
دەتوانرێت سیرەمێکی تایبەتمەند هەڵببژێردرێت بۆ چارەسەرکردنی نیگەرانییە سەرەکییەکانی پێست، وەک سیرەمێکی ترشی هیالۆرۆنیک بۆ بەهێزکردن و شێداربوون یان ڤیتامین C سیرۆم بۆ یارمەتیدان لە ڕووناککردنەوەی شێوەی پێست.
گەنجکردنەوە
دەتوانرێت بەکاربهێنرێت بۆ کەمکردنەوەی نیشانەکانی پیربوون. مەساجکردن بە سیرەمەکان لەگەڵ ئەو پێکهاتانەی کە یارمەتی شێدارکردنەوە و نەرمکردنەوەی شێوەی پێست دەدەن دەتوانێت هێڵەکان و چرچیەکان کەم بکاتەوە یارمەتی دەدات بۆ ئەوەی زیاتر گەنج دەربکەویت.
ڕووناککردنەوە (بریقەداربوون)
ئەگەر پێست ماندوو و بێزارکەر دیار بوو بەکارهێنانی سێرەمێکی ڕووناککەرەوەی دەموچاو دەتوانێت تیشکی سروشتی بەهێز بکات و ڕوخسار ڕووناک بکاتەوە. ڤیتامین C پێکهاتەیەکی باوە کە لە سیرەمەکاندا بەکاردێت بۆ ڕووناکردنەوە.
شێدارکردنەوە
سێرەمێکی دەموچاو بەکاربهێرێت کە دەوڵەمەند بێت بە هیمکتێنت وەک ترشی هایلۆرۆنیک یان ترشی پۆلیگلوتامیک. ئەم پێکهاتە بەهێزانە شێ هەڵدەگرن و دەیهێڵنەوە و پێست شێدار دەکەن و یارمەتی پێست دەدەن بۆ ئەوەی بە شێوەیەکی جادوویی شێدار بمێنێتەوە بۆ ماوەیەکی درێژتر.
کونیلە
ئەو کەسانەی پێستیان چەورە یاخود ئەزموونی کونیلەی گەورەیان کردووە، دەتوانرێت سیرەمەکانی دەموچاو بەکاربهێنرێت لەگەڵ پێکهاتە چالاکەکانی بچوکردنەوەی کونیلە وەک نایاسینەماید کە یارمەتی لە کەمکردنەوەی دەرکەوتنی کونیلەکان دەدات.
بەکارهێنانی
کاتی بەکارهێنانی سیرەم: ڕۆژانە جارێک یان دوو جار سیرەم بەکاربهێندرێت لە بەیانیان و شەودا. پێویستە هەمیشە پێست پاک بکرێتەوە و یەکەم جار تۆنەر بەکاربهێنرێت پاشان سیرەم بدرێت لە دەمووچاو. پێویستە شێدارکەرەوە بەکاربهێنرێت دوای سیرۆمەکە بۆ شێداربوون.
چۆنیەتی بەکارهێنانی سیرەم: دوای پاککردنەوەی پێستت و ڕێگەدان بە وشککردنەوەی، دوو بۆ سێ دڵۆپ سیرەم بۆ پێست بەکاربهێندرێت. کاتێک سیرەمەکە وشک دەبێتەوە، شێدارکەرەوە و هەر بەرهەمێکی دیکەی چاودێری پێستت دەتوانیت بەکاربهێنیت لە دوای بەکارهێنانی سیرەم.
جۆرەکانی سیرۆم
سیرەم بۆ شێدارکردنەوە
ئەم جۆرە سیرەمانە دیزاینکراون بۆ ئەوەی پێست بە بەهێزی شێداربکاتەوە. نموونەیین بۆ ئەو کەسانەی کە پێستی وشکیان هەیە و دەتوانرێت بە هاوبەشی لەگەڵ شێدارکەرەوەیەکی ئاسایی بەکاربهێنرێت بۆ دابینکردنی شێدارکەرەوەی درێژخایەن.
دژە پیربوون
سیرۆمەکانی دژە پیربوون بە پێکهاتە چالاکەکانی وەک ڕێتینۆل و ڤیتامین C و پێپتاید دروست دەکرێن، کە یارمەتیدەرن لە بەرەنگاربوونەوەی نیشانەکانی پیربوون. ئەوان دەتوانن یارمەتی کەمکردنەوەی دەرکەوتنی هێڵەکان و چرچیەکان بدەن، شێوە و تۆنی پێست باشتر بکەن و بەرهەمهێنانی کۆلاجین بەهێز بکەن.
سیرەمی ڕووناکردنەوەی پێست
ئەم جۆرە سیرۆمانە دیزاین کراون بۆ کەمکردنەوەی دەرکەوتنی خاڵە تاریکەکان و ڕەنگی نایەکسانی پێست. پێکهاتەکانی وەک ڤیتامین C و نایاسینەماید و ترشی ئەلفا-هایدرۆکسی تێدایە کە دەتوانێت یارمەتی پاککردنەوەی پێست بدات و پێست ڕووناکبکاتەوە.
سیرۆمی دژە زیپکە
سیرۆمەکانی بەرەنگاربوونەوەی زیپکە بە پێکهاتەی چالاک دروست دەکرێن وەک ترشی سالیسیلیک و پێرۆکسیدی بێنزۆیل کە یارمەتی کونیلەکان دەدات و هەوکردن کەم دەکاتەوە. دەتوانرێت بەکاربهێنرێن بۆ چارەسەرکردنی زیپکە و ڕێگریکردن لە زیپکە.
سیرەمی پاککەرەوە
سیرۆمە بەهێزەکان ترشی ئەلفا-هایدرۆکسی (AHAs) یان ترشی بێتا-هایدرۆکسی (BHAs) یان تێدایە کە یارمەتی پاککردنەوەی پێست دەدات، خانە مردووەکانی پێست لادەبات و ئاڵوگۆڕی خانە بەهێز دەکات. ئەمە دەتوانێت یارمەتی باشترکردنی شێوەی پێست بدات و دەرکەوتنی هێڵەکان و چرچیەکان کەم بکاتەوە.
سیرەمی ڤیتامین C
سێرۆمەکانی ڤیتامین C بە چڕییەکی بەرزی ڤیتامین C دروست دەکرێن، کە دژە ئۆکسانێکی بەهێزە کە دەتوانێت پێست بپارێزێت لە فشاری ژینگەیی و ڕووناککردنەوەی پێست.
