ناوه‌ڕۆك
ناساندن
ماسکی پێ (بە ئینگلیزی: Foot mask، بە عەرەبی: ماسك للقدمين) بۆ پاراستنی پێیەکانمان لە قڵیشاوی و وشکبوونەوە دەتوانین چەند ماسکێک بەکاربهێنین کە یارمەتیدەرمان دەبن لە ڕێگریکردن لە قڵیشانی پێیەکان و وشکبوونەوەی.
دیارترین ماسکەکانی پێ
لە چەند کەرەستەیەکی خۆراکی ناوماڵ و کەرەستەی دیکە دەتوانین ماسکی باشی پێیەکان دروستبکەین و ڕۆژانە بەکاریبهێنین. گرنگە بۆ وەرگرتنی سوودی تەواو لە ماسکەکان بۆ ماوەیەکی دیاریکراو بەکاریبهێنین.
زەیتی گوێزی هیندی
زەیتی گوێزی هیندی بە کاریگەرییەکەی لە شێدارکردنی پێی وشکدا دەناسرێتەوە، هەروەها چارەسەری هەوکردنی بەکتریا و کەڕووی دەکات، چونکە ماددەی دژە کەڕوو و دژە میکرۆبی تێدایە، هەروەها دەتوانرێت بە جێبەجێکردنی ئەم هەنگاوانەی خوارەوە بەکاربهێنرێت:
چۆن بەكار دەهێنرێت:
- ڕۆژێک پێش بەکارهێنانی زەیتی گوێزی هیندی پێیەکان لە ئاوی گەرمدا تەڕ دەکرێن، پاشان بە بەکارهێنانی لوفکە پاک دەکرێنەوە، پاشان بە باشی وشک دەکرێنەوە.
- بڕێکی پێویست زەیتی گوێزی هیندی لەسەر پێیەکان بڵاو بکەرەوە، پاشان شەوانە گۆرەوییەکی سوفی پاک لەبەر بکە.
- بەیانیان پێیەکان بشۆ و ڕۆژانە شێوازی بەکار هێنانی دووبارە بکەرەوە بۆ ئەوەی باشترین ئەنجام بەدەست بهێنیت.
شۆفان
ماسکی شۆفان یارمەتی چارەسەرکردنی قڵیشانی پێیەکان دەدات، چونکە لە خانە مردووەکانی پێست ڕزگاریان دەکات و شێداریشیان دەپارێزێت، دەتوانرێت بەم شێوەیە بەکاربهێنرێت:
پێکهاتەکانی:
- کەوچکێک لە شۆفانی وردکراو.
- کەمێک زەیتی جۆجۆبا.
چۆن بەكار دەهێنرێت:
- پێکهاتەکان تێکەڵ بکە بۆ ئەوەی هەویرێکی ئەستوور بەدەست بهێنیت.
- هەویرەکە لەسەر پێیەکان بڵاو بکەرەوە، سەرنجت لەسەر ئەو شوێنانەی درزاوی و پاژنەی پێیەکان بێت.
- بۆ ماوەی ٣٠ خولەک هەویرەکە بەجێبهێڵە، پاشان بە ئاوی سارد بیشۆ.
- ڕۆژانە ئەو ڕێگایە دووبارە بکەرەوە بۆ ئەوەی ڕزگارت بێت لە درز و قڵیشانی پێیەکان.
سرکە و ماست
ئەم تێکەڵەیە خانە مردووەکانی پێست لادەبات و پێستی پێیەکان گەنج دەکاتەوە و سوڕی خوێن هان دەدات، دەتوانرێت بە جێبەجێکردنی ئەم هەنگاوانە بەکاربهێنرێت:
پێکهاتەکانی:
- کوپێک ماست.
- کوپێک سرکە.
چۆن بەكار دەهێنرێت:
- کەرە لەگەڵ سرکە بە باشی تێکەڵ بکە.
- تێکەڵەکە لەسەر پێی وشک و پاژنە و بنی پێیەکان بڵاو بکەرەوە، سەرنجت لەسەر ناوچەی نێوان پەنجەکانی قاچ بێت و لەبیریان نەکەیت.
- تێکەڵەکە بۆ ماوەی ١٠ خولەک بەجێبهێڵە، پاشان بە ئاوی گەرم بیشۆ.
ڤازلین و ئاوی لیمۆ
لیمۆ تایبەتمەندی ترشی تێدایە، هەروەها ڤازلین یارمەتی شێدارکردنی وشکبوونەوەی پێیەکان دەدات و ڕێگرە لە وشکبوونەوەی، هەروەها دەتوانرێت ماسکەکە بەکاربهێنرێت بەم شێوەیەی خوارەوە:
پێکهاتەکانی:
- کەوچکێک ڤازلین.
- چوار بۆ پێنج دڵۆپ ئاوی لیمۆ.
- بڕێک لە ئاوی گەرم.
چۆن بەكار دەهێنرێت:
- پێیەکان لە ئاوی گەرمدا بۆ ماوەی ١٥ بۆ ٢٠ خولەک بخەرە ناو ئاوەوە، پاشان بیشۆ و وشکی بکەرەوە.
- ئاوی لیمۆ لەگەڵ ڤازلین تێکەڵ بکە، پاشان پێیەکان بە تێکەڵەکە مەساج بکە تا بە تەواوی لەلایەن پێستەوە هەڵدەمژرێت.
- گۆرەوییەکی سوف لەبەر بکە بۆ پاراستنی گەرمی لەش، ماسکەکە بۆ ماوەی شەوێک بەجێبهێڵە و دواتر بەیانیان بیشۆ.
- شێواز و ڕێچکەکە بە بەردەوامی دووبارە بکەرەوە.
