ناوه‌ڕۆك
تایبەتمەندی شاشەکەی
شاشەیەکە لە جۆری AMOLED لەخۆدەگرێت بە قەبارەی 6.78 ئینج، ڕوونی 2652×1220 پێکسڵە و ڕێژەی نوێبوونەوەی 120 هێرتزە. هەروەها پشتگیری 1B ڕەنگ دەکات و ڕووناکی شاشەکەی لە کۆتا ئاست دەگاتە 1200 نیتس و شاشەکەی لە جۆری قەوسە. لە ڕووی شاشەوە شاشەیەکی ئاست بەرز و ڕوون و نایابی لەسەرە، شاشەیەکی گەورەی لەسەرەوە و وەک شاشەی مۆبایلێکی ئاست بەرزە.
ئەوەی ئەم شاشەیە جیادەکاتەوە لە مۆبایلەکانی تر بەهێزی شاشەی ئەم مۆبایلەیە، چونکە شاشەی ئەم مۆبایلە بەپێی تاقیکردنەوەکان و ڕیکلامەکانی بۆی دەکرێت بە هیچ جۆرێک بە ئاسانی ناشکێت. بۆیە لەڕووی شاشەوە شایەنی کڕینە و هیچ خاڵێکی لاوازی نییە.
بەشی ناوەکی و چیپ و سۆفتوێری مۆبایلەکە
چیپەکەی لە جۆری Snapdragon 6 Gen 1ـە کە لەسەر چوار نانۆمەتر بناغەکراوە. کە لە پاکەت هەڵیدەپچڕی ڕاستەوخۆ Android 13ـی لەسەر جێگیرکراوە لەسەر ڕووکاری Magic UI 7.2. ئەم چیپە لە ڕووی هێز و تواناوە هاوشانی چیپی Snapdragon 778Gـە، ئەم چیپە چیپێکی زۆر باش و گونجاوە لەو نرخەدا، دەتوانیت بۆ یاری کردن و مۆنتاژ و کاری قورس بەکاری بهێنیت و سوودی لێببینی و لە ڕووی چیپەوە زۆر باشە و بۆ پۆبجی 60FPS دەدات. هەروەها لە ڕووی سۆفتوێریشەوە ئۆنەر یەکێکە لەو کۆمپانیایانەی خاوەنی سۆفتوێرێکی زۆر نایاب و باش و بێکێشەیە، ئەم مۆبایلە هچیپەکەی و سۆفتوێرەکەی بێ کێشەن، بۆیە ئەدایەکی زۆر باش پێشکەش دەکات
کامێرا
سێ کامێرا لە پشتەوە لەخۆدەگرێت لەگەڵ کامێرایەکی سێڵفی.
- کامێرای سەرەکی 108MPـە.
- کامێرای گۆشەفراوان 5MPـە.
- کامێرای ماکڕۆ 2MPـە.
- ڤیدیۆ بە کامێرای پشتەوە بە کۆتا ئاست بە 4K 30fps تۆماردەکات.
- کامێرای سێڵفی 16MPـە.
- ڤیدیۆ لە کۆتا ئاست بە 1080 30fps تۆماردەکات.
لە ڕووی کامێراکانەوە خاوەنی کوالێتییەکی باش و گونجاوە لە نرخی خۆی باشترین کامێرا نین، بەڵام گونجاو و بێ کێشەن بۆ نرخی خۆی زۆر بێ کێشەیە.
پاترییەکەی
خاوەنی پاترییەکی 5800mAh و بەخێرایی 35W بارگاوی دەبێتەوە. دووبارە خاڵی هەرە بەهێزی ئەم مۆبایلەکەیە و خاوەنی پاترییەکی گەورەیە و دەتوانێ بۆ ماوەیەکی زۆر بەبێ شەحن بەکاری بێنیت. بەپێی ڕیکلامی کۆمپانیا بێت بۆ ماوەی سێ ڕۆژ خۆی دەگرێت. بەڵام ئەگەر تۆ بەردەوام ئیشی پێبکەیت و یاری و کاری قورسی پێبکەیت، بەشی ڕۆژ و شەوێکت دەکات و ئەوەش زۆر باشە. بەپێی زانیارییەکان پاترییەکەی دوای ئەوەی 10 هەزار جار بارگاوی کرایەوە %80ـی ئەدای پاترییەکەی دەمێنێتەوە .
زانیاری گشتی
- کێشی مۆبایلەکە تەنیا 185 گرامە.
- لاشەی مۆبایلەکەش دووبارە وەک شاشەکەی بەهێزە و زۆر خۆڕاگرە بۆ شکان، جۆرێکیان بەشی پشتەوەی ڕەنگ پرتەقاڵی جلدە.
- بەپێی زانیارییەکان دەنگی مۆبایلەکە ستێریۆ نییە، واتە دەنگی مۆبایلەکە تەنیا لە سەماعەی خوارەوە دێت و کە ئەمە خاڵی هەرە لاوازی مۆبایلەکەیە و شوێنی هێتفۆنیشی نەماوە.
- پەنجەمۆری مۆبایلەکەش لە ژێر شاشەیە لەجۆری ئۆپتیکاڵە و زۆر گونجاوە.
نرخ
نرخی ئەم مۆبایلە ڕۆژی 25ـی 6ـی 2024 بۆ ڕام 8 کە دەتوانی بەرزی بکەیتەوە بۆ ڕام 16 و بیرگەی 256 نرخەکەی بە 229 دۆلارە.
خاڵە لاواز و بەهێزەکانی ئەم مۆبایلە
خاڵە بەهێزەکان
- شاشەیەکی زۆر جوان و ئاست بەرزی هەیە.
- بەهێزی مۆبایلەکە و بۆ بەرگری لە شکان.
- چیپێکی زۆر باش و گونجاوی هەیە.
- سۆفتوێری زۆر باە
- پاترییەکی زۆر گەورەی هەیە و کێشێکی کەمی هەیە.
- دیزاینێکی زۆر جوان و ئاست بەرزی هەیە.
خاڵە لاوازەکان
- دەنگی ستێریۆ نییە
