ناوه‌ڕۆك
ناساندن
ژوورە سپییەکەم (بە ئینگلیزی: My white room، بە عەرەبی: غرفتي البيضاء) کتێبێکە لە نووسینی هەژار سەلامە و هەروەها یەکەم بەرهەمی نووسراوی ئەو نووسەرەیە. هەژار سەلام پزیشک و کەسایەتی دیاری سۆشیاڵ میدیا و نووسەری گەنجی کوردە بە تەمەنێکی کەم و بە ئەزموونێکی زۆر خزمەتێکی جوانی کۆمەڵگای کوردی کردووە. لەم کتێبەکەشدا تیشکی خستۆتەسەر گەنجان و ئەو قۆناغەی تەمەن کە مرۆڤ ڕووبەڕووی زۆر ڕووداو و گرفت و ئاستەنگ دەبێتەوە لە ژیاندا. کتێبەکە بە زمانێکی سادە و بە شێوازی ڕۆمان باسی کوڕێکی لاو دەکات هەر لە سەرەتای خوێندنی ئامادەییەوە تا تەواوکردنی زانکۆ و پێکهێنانی ژیانی هاوسەرگری.
پێشەکی
نووسەری کتێبە کە گەنجێکی ژیر و زیرەک و لێهاتووە تەنها دێڕێکی کەسایەتی جیهانی میکاسا ئاکەرمانی لە پێشەکی کتێبەکیدا نووسیووەتەوە. کە دێڕەکەش دەڵێت: "ژیان زۆردار و دڵڕەقە، بەڵام زۆریش جوانە"
ناسنامەی کتێب
| ناوی کتێب | ژوورە سپییەکەم |
| بابەت | ئەدەبی - ڕۆمان |
| نووسەر | هەژار سەلام (١٩٩٩ز) |
| پێداچوونەوەی نووسین | قانع خورشید |
| دیزاینی بەرگ | ڕەها حەسەن |
| دیزاینی ناوەوە | هاوسانی |
| بڵاوکار | ڕێکخراوی هاوسانی و ناوەندی ڕێنوێن |
| نۆبەتی چاپەت | یەکەم چاپی لە ساڵی ٢٠٢١ |
| چاپکردن | ناوەندی ڕێنوێن |
| ژمارەی لاپەڕە | ١٦١ لاپەڕە |
ناوەڕۆک
کتێبەکە بە شێوەی ڕۆمانە و گرنگی بە باسکردنی کۆمەڵێک بابەتداوە کە لە چوارچێوەی دە بەشدا جێیکردوونەتەوە و ئەوانیش بریتین لە:
- مەکتەب
- زللە
- زیندان
- گریانی کچەکە
- ئۆتۆمبێلی دەوڵەمەندەکان
- کۆندۆم
- ئانیا
- شەشی دوو
- باوەش
- سپی
ئەوەی جێی سەرسوڕمان کۆتا بەشی کتێبەکە ناوی سەرەتایە و تیایدا ئاماژە بەو بەرهەمە ئەدەبییانە کراوە کە پڕۆژەی بیری میانڕەو لە خۆیگرتوون.
