ناوه‌ڕۆك
ناساندن
چاوێکەوتنی تایبەت (بە ئینگلیزی: Conjugal Visit، بە فارسی: ملاقات خصوصی)، فیلمێکی فارسی درامی عاشقانەیە، لە ساڵی ٢٠٢٢ لەلایەن ئومێد شەمسەوە کاری نووسین و دەرهێنانی بۆ کراوە، پەریناز ئیزەدیار و هوتەن شەکیبا ڕۆڵی سەرەکی دەگێڕن لە فیلمەکەدا. فیلمەکە نمرەی ٦.٨/١٠ وەرگرتووە لە سایتی IMDb تایبەت بە هەڵسەنگاندنی فیلم و زنجیرە.
| بەرهەمهێنەر | ئەمیر بنان |
| نووسین | ئومێد شەمس - بەهمەن ئەرک - عەلی سەرئاهەنگ |
| چەشنی فیلم | درامی - عاشقانە |
| کاست | پەریناز ئیزەدیار هوتەن شەکیبا ریما رامین فەر رۆیا تەیموریان نادر فەلاح پەیام ئەحمەدی نیا سیاوەش چراغی پور |
| ڕێکەوتی دەرچوون | ٤/١/٢٠٢٣ |
| ماوەی فیلم | ١٣٠ خولەک |
| وڵات | ئێران |
| زمان | فارسی |
| مۆسیقا | بامداد ئەفشار |
چیرۆکی فیلمەکە
پەروانە کچێکە کە باوکی کەوتۆتە زیندان و براکەی قەرزارێکی هەڵاتووە، ئەو لە دوکانی عەتارییەکەی باوکی کار دەکات و بە نهێنی لەگەڵ باوکی لە پەیوەندیدایە، ئەم پەیوەندییە نهێنییە لەڕێگای مۆبایلی یەکێک لە هاوبەندەکانی باوکییەتی، کەسێک بەناوی فەرهاد. فەرهاد و پەروانە هەندێک کات بەهۆی هەندێک بابەتەوە قسە دەکەن. لە کۆتاییدا فەرهاد عاشقی پەروانە دەبێت و داوای لێ دەکات بێت بۆ چاوپێکەوتنی، بەم شێوەیە ژیانی ئەم دوو کەسە بەیەکەوە گرێ دەدرێت.
کەسایەتییەکان
- پەریناز ئیزەدیار: پەروانە
- هوتەن شەکیبا: فەرهاد
- ریما رامین فەر: فەریبا
- رۆیا تەیموریان: رەزوانە
- سیاوەش چراغی پور: ئیرەج
- شیرین ئاقارضاکاشی: دایکی فەرهاد
- نادر فەلاح: قادر
- پریام ئەحمەدی نیا: کامران
خەڵاتەکانی فیلمەکە
- بۆتە براوەی خەڵاتی سیمرغی بلورین وەک باشترین فیلم لە دیدی بینەرانەوە لە چلەمین فێستیڤاڵی فیلمی فەجر.
- نازناوی باشترین فیلمی پێ دراوە لەلایەن ئەنجومەنی ڕەخنەگرانەوە.
- نازناوی باشترین فیلمنامەی پێدراوە لەلایەن ئەنجومەنی ڕەخنەگرانەوە.
- نازناوی باشترین دەرهێنەری بەدەست هێناوە لەلایەن ئەنجومەنی ڕەخنەگرانەوە.
- پەریناز نازناوی باشترین خانمە ئەکتەری پێ دراوە بۆ ڕۆڵی سەرەکی لەلایەن ئەنجومەنی ڕەخنەگرانەوە.
- بۆتە براوەی خەڵاتی زێڕین وەک باشترین فیلم لە هەشتەمین فێستیڤاڵی نێودەوڵەتی فیلمی شار.
- بۆتە براوەی خەڵاتی حافز وەک باشترین فیلم لە بیست و دووەمین فێستیڤاڵی حافز.
- بۆتە براوەی خەڵاتی حافز وەک باشترین فیلمنامە لە بیست و دووەمین فێستیڤاڵی حافز.
- پاڵیوراوە بۆ چەندین خەڵاتی دیکەش لە هەموو ئەم فێستیڤاڵانە.
