ناوه‌ڕۆك
ناساندن
پشکنینەکانی میز ئامڕازێکی گرنگن بۆ پشکنینی نەخۆش و هەڵسەنگاندنی بارودۆخی تەندروستییان، زانیاری بایەخدار لەبارەی گورچیلە و میزەڕۆ، ناساغی جگەر، شەکرە و هەوکردنی ڕێڕەوی میز دەستەبەر دەکات، پشکنینەکانی میز لە سێ پشکنین پێکدێت: فیزیایی، کیمیایی و مایکرۆسکۆپی.
گرنگترین پشکنینە پەیوەندیدارەکان بە سامپڵی میزەوە
١-GUE: (General urine examination)
یەکێکە لە باوترین پشکنینەکان کە بەشیوەیەکی گشتی بەکاردێت بۆ دیاری کردنی ئەو نەخۆشی و هەوکردنانەی کە تووشی گورچیلە و ڕێڕەوی میزەڕۆ بە تایبەت ئەو ئینفێکشنانەی کە توشی دیواری میزەڕۆ بووە بەهۆکاری جیاواز.
باوترین پشكنینه كه له ڕێگای میزه‌وه ئه‌نجام ئه‌درێت، بۆ دەستنیشانکردنی زۆرێک لە نەخۆشییەکان پێویستمان به‌م پشكنینه هه‌یه و به پشكنینی گشتی میز دانراوه.
٢-Urine culture: چاندنی میز یه‌كێكه له پشكنینه گرنگه‌كان كه ئه‌نجام ئه‌درێت بۆ ده‌ركه‌وتنی ئه‌و به‌كتریایانه‌ی له ناو میزدا ده‌ژین و كاریگه‌ری خراپیان هه‌یه له‌سه‌ر ته‌ندروستی.
٣-Stone diagnosis: پێشبینی كردن بۆ بوونی به‌ردی گورچیله کە دواتر لە رێگای سۆنەرەوە (ultrasound) دڵنیا دەکرێتەوە.
٤- Pt test in urine: ئه‌م پشكنینه ئه‌نجام ئه‌درێت بۆ زانینی بوونی دووگیانی له ڕێگای دیاری كردنی هۆڕمۆنی HCG لە ڕێگای padـی تایبەتەوە.
شێوازی وەرگرتنی نموونە لە میز
١-Randomly: وەرگرتنی میزە بەشێوەیەکی هەڕەمەکیانە کە هەرکاتێک بتەوێت ئەتوانی وەریبگریت کە بۆ پشکنینی GUE وەردەگیرێت.
٢-Midstream urine: وەرگرتنی میزە دوای ڕۆیشتنی بەشی سەرەتای میزەکە، پەو بەشەی پێویستە بەشی ناوەڕاستە بۆیە ڕێک دوای ڕۆیشتنی بەشی یەکەم وەریدەگرین، کە ئەمەیان بۆ پشکنینی چاندنی میز بەکاردەهێنرێت.
٣-Morning urine: وەرگرتنی میزە دوای هەشت کاتژمێر لە خەوتن، واتا کاتێک بەیانیان هەڵدەستیت لە خەو ڕاستەوخۆ سامپڵەکە وەردەگیرێت بەبێ خواردن و خواردنەوەی هیچ شتێک و هیچ ڕاهێنان کردنێک کە ئەمەیان بۆ چاودێری کردنی ئەوانەی کە کێشەی ئەلبۆمینیان هەیە بەکاردەهێنرێت.
٤-24hrs urine: وەرگرتنی میزە لە ماوەی بیست و چوار کاتژمێردا واتا هەرکاتێک چویتە پڕۆسەی یورینەشن تۆ سامپڵ وەردەگریت کە لەڕێگەی دەفرێکی تایبەتەوە دەبێت، ئەمەیان بۆ ئەو کەسانەی کە کیشەی فرمانەکانی گورچیلەیان هەیە بەکاردەهێنرێت.
