ناوه‌ڕۆك
بایەخی پشکنینی تاقیگەیی پزیشکی چییە؟
پشکنینە تاقیگەییە پزیشکییەکان چەند سوودێکی سەرەکییان هەیە لەسەر جەستە و زانینی باری تەندروستی هەر تاکێک بەپێی تەمەنی جیاواز، لەبەر ئەم هۆکارانە:
1- دەستنیشانکردنی نەخۆشییەکان
پشکنینی تاقیگەیی پزیشکی یارمەتی پزیشکان دەدات بۆ دەستنیشانکردنی ئەو نەخۆشییانەی کە رەنگە نیشانەکانیان بە روونی دەرنەکەون، هەر بۆیە دەتوانێت کێشەکانی وەک کەمخوێنی، شەکرە، تێکچوونی غودەی دەرەقی و نەخۆشییەکانی جگەر و گورچیلە دەستنیشانبکات.
2- چاودێریی چارەسەرکردن
پشکنینی تاقیگەیی پزیشکیی بەکاردەهێنرێت بۆ هەڵسەنگاندنی ئەوەی کە چارەسەرەکە چەندە باش کاردەکات و بڕیاردان لەسەر ئەوەی کە تا چەند دەرمانەکان کاریگەرییان لەسەر چارەسەرەکە بووە، بۆ دڵنیابوونەوەی زیاتر لە کارکردنیان و ئەگەریش پێویست بێت، گۆڕانکاری تیایاندا.
3- خۆپاراستن و زوو دەستنیشانکردن
پشکنینەکان دەتوانن یارمەتیدەر بن لە دیاریکردنی نەخۆشییەکان لە قۆناخە سەرەتاییەکانیاندا، ئەمەش کاریگەریی چارەسەرییەکان ئاساندەکات و رێگری
دەکات لە پەرەسەندنی ئاڵۆزییەکان بەتایبەت بۆ نەخۆشییەکانی شێرپەنجە.
4- هەڵسەنگاندنی باری تەندروستیی گشتی
پشکنینی تاقیگەیی پزیشکی تێڕوانینێکی گشتگیر لە تەندروستیی نەخۆشەکە نیشاندەدات بە هەڵسەنگاندنی کارکردنی ئەندامە گرنگەکان و پێوانەکردنی پێکهاتە سەرەکییەکانی خوێن.
چۆن دڵنیابیین لە وردی و متمانەپێکراویی ئەنجامی پشکنینەکان؟
1- جێبەجێکردنی رێنماییەکان، نەخۆش دەبێت پابەندبێت بە هەموو ئەو رێنماییانەی کە پەیوەستن بە ئامادەکاری پشکنینەکە بۆ دڵنیابوون لە وردیی ئەنجامەکان.
2- کۆکردنەوەی نموونە بە شێوەیەکی دروست؛ پەیڕەوکردنی رێنماییەکانی کۆکردنەوەی نموونە بە وردی یارمەتی رێگریکردن لە هەڵە و پیسبوون دەدات.
3- بەکارهێنانی ئامێری پێشکەوتوو و ئەنجامدانی پشکنینی کوالێتیی کارکردنی ئامێرەکان؛ تاقیگەکان دەبێت ئامێری مۆدێرن و پێشکەوتوو بەکاربهێنن و بەردەوام پشکنینی کوالێتی ئەنجامبدەن بۆ دڵنیابوون لە وردیی ئەنجامەکان و پابەندبوون بە ستانداردە دامەزراوەکان.
