ناوه‌ڕۆك
ناساندن
بەشی پەرستاری منداڵان (بە عەرەبی: تمریض أطفال، بە ئینگلیزی: pediatric nurse) یەکێکە لە بەشە تەندروستییەکانی پەیمانگای تەکنیکی سلێمانی سەر بە زانکۆی پۆلیتەکنیکی سلێمانی، لە ساڵی خوێندنی (٢٠١٨-٢٠١٩) کراوەتەوە و خوێندکاری وەرگرتوە.
خوێندکارانی دەرچووی ١٢ـی ئامادەیی بەشی زانستی وەردەگرێت بە هەر دوو سیستمی (زانکۆلاین - پارالێڵ).
ئەم بەشە تاکە بەشە و تەنها لە پەیمانگای تەکنیکی سلێمانی هەیە هیچ پەیوەندییەکی بە بەشی پەرستاری ژنان و منداڵبوونەوە نییە.
زمانی خوێندن
خوێندن بە گشتی لەم بەشە بە زمانی ئینگلیزییە جگە لە وانەی کوردۆلۆجی کە لە قۆناغی یەکەم دەخوێندرێت بە زمانی کوردییە و چەند وانەیەك لە قۆناغی دووەم بە زمانی عەرەبییە.
ئەرک و پسپۆڕی
لەم بەشەدا خوێندکار کارەکانی تیمارکردن و دورینەوە و کانۆلا و هەموو کارێکی تایبەت بە پەرستاری منداڵان فێردەکرێت.
لە دوای تەواوکردنی ئەم بەشە خوێندکار بڕوانامەی دبلۆم وەردەگرێت، نازناوی پەرستار وەردەگرێت و کاری دەست دەکەوێت لە:
١- نەخۆشخانەی منداڵان
٢- بنكەی تەندروستی
٣- فریاکەوتنی خێرا
تێبینی/ بۆ دەستکەوتنی کار لە زۆربەی بەشە پزیشکییەکان پێویستی بە هەوڵ و ماندووبوونی خۆت هەیە.
وانەکانی قۆناغی یەکەم
1. Fundamental of Pediatric/ Nursing
2. Medical microbiology
3. Ped/ Phathaphysiology
4. Ped/ Anatomy
5. Biochemistry
6. Kurdology
7. Academic debate
8. Computer
9. Embryology & Heredity (کۆرسی یەکەم)
10. Biostatistics (کۆرسی یەکەم)
11. Principle of Health Education (کۆرسی دووەم)
وانەکانی قۆناغی دووەم
1. Ped/ Surgery
2. Ped/ Medicine
3. Ped/ Nursing
4. Child psychology
5. Ped/ Epidemiology
6. Ped/ Pharmacology
7. Principle of Ped/ Nutrition
8. Ped/ Community health (کۆرسی یەکەم)
9. Professional ethics (کۆرسی دووەم)
تێبینی
1-ئەم بەشە دوو ساڵە، ساڵی یەکەم سەدا 40ـی لەسەر دەبێت و ساڵی دووەم سەدا 60ـی لەسەرە.
2-هەردووساڵەکە یەکەم بیت ئەوا بەرز دەکرێیتەوە بۆ کۆلێژی پەرستاری گشتی.
