ناوه‌ڕۆك
ناساندن
ئەم پشکنینە بەدوای دژەتەنی دژە خۆراکی سیتۆپلازمی (ANCA) لە خوێندا دەگەڕێت، دژەتەن بریتییە لەو پرۆتینانەی کە سیستمی بەرگری لەش دروستی دەکات بۆ بەرەنگاربوونەوەی ماددەکانی وەک ڤایرۆس و بەکتریا. بەڵام دژەتەنی ANCA بە هەڵە هێرش دەکەنە سەر خانە تەندروستەکان کە بە نیوترۆفیل (جۆرێکە لە خڕۆکە سپییەکانی خوێن) ناسراون. ئەمەش دەبێتە هۆی تێکچوونێک کە بە هەوکردنی بۆرییەکانی بەرگری خۆکار ناسراوە، هەوکردنی بۆرییەکانی بەرگری خۆکار دەبێتە هۆی هەوکردن و ئاوسانی خوێنبەرەکان.
دوو جۆری سەرەکی ANCA هەیە، هەریەکەیان پڕۆتینێکی دیاریکراوی ناو خڕۆکە سپییەکانی خوێن دەکاتە ئامانج: pANCA کە پڕۆتینێک دەکاتە ئامانج کە پێی دەوترێت MPO، cANCA کە پڕۆتینێک دەکاتە ئامانج کە پێی دەوترێت PR3.
ئەگەر پشکنینی سەرەتایی ANCA پۆزەتیڤ بوو پشکنینی MPO و PR3 بۆ پشتڕاستکردنەوە ئەنجام دەدرێت. یان هەندێک جار سێ تاقیکردنەوەکە ANCA, MPO, PR3 لە سەرەتاوە پێکەوە ئەنجام دەدرێن.
بۆچی تاقیکردنەوەی ANCA ئەنجام دەدرێت؟
زۆرجار پشکنینی ANCA بۆ یارمەتیدانی دیاریکردن و دەستنیشانکردنی هەندێک جۆری هەوکردنی بۆرییەکانی خوێنی بەرگری خۆکار بەکاردێت، جۆرە جیاوازەکانی ئەم نەخۆشییە هەیە، هەموو ئەمانە دەبنە هۆی هەوکردن و ئاوسانی خوێنبەرەکان، بەڵام هەر جۆرێک کاریگەری لەسەر خوێنبەرەکان و بەشە جیاوازەکانی جەستە دەبێت. جۆرەکانی هەوکردنی خوێنبەرەکانی بەرگری خۆکار بریتین لە:
گرانولۆماتۆزی لەگەڵ هەوکردنی پۆلی ئەنجیی (GPA) کە بە نەخۆشی ڤیگنەر ناسراوە، زۆرجار کاریگەری لەسەر سییەکان و گورچیلە و جیوبەکان دەبێت.
هەوکردنی پۆلی ئەنجییتی وردبینی (MPA) ئەم نەخۆشییە دەتوانێت کاریگەری لەسەر چەند ئەندامێکی لەش هەبێت لەوانە سییەکان و گورچیلە و کۆئەندامی دەمار و پێست.
گرانولۆماتۆزی ئیۆزینۆفیلیک لەگەڵ هەوکردنی پۆلی ئەنجییتی (EGPA) کە پێشتر پێی دەگوترا نەخۆشی Churg-Strauss syndrome، ئەم نەخۆشییە بەزۆری کاریگەری لەسەر پێست و سییەکان دەبێت و زۆرجار دەبێتە هۆی تەنگەنەفەسی.
