پلەی گەرمی

پلەی گەرمی

له‌لایه‌ن: ئاکار قطب الدین - به‌روار: 2020-12-22-19:28:00 - کۆدی بابەت: 812
پلەی گەرمی

ناوه‌ڕۆك

پلەی گەرمی

  پلەی گەرمی تەنەکان پشت دەبەستێت بە بڕی ئەو تیشکەی کە وەری گرتووە (هەڵیمژیوە) کە ئەمەش پێوەرە بۆ ئەو وزەیەی کە لە مادەکاندا هەیە و بڕی وزەکەش لە ڕێگەی گەرمی و ساردی مادەکانەوە هەستی پێ دەکرێ، وە پلەی گەرمی بە بەردەوامی لە گۆڕاندایە و بە ئامێری ثێرمۆ مەتر Thermo Meter پێوانە دەکرێت، وە بەچەند یەکەیەکی جیاواز گوزارشتی لێ دەکری و گرنگتریانیان بریتیەلە پلەی سەدی (س) وە فەهرەنایت (ف) و ڕەها (ک)، بەڵام پلەی سەدی (س) ڕەزامەندی جیهانی لەسەرە و زۆر بەکاردێت.

پلەی گەرمی لە سەرانسەری جیهاندا لە ڕێگەی چەندی وێستگەی ئاو هەواییەوە تۆمار دەکرێت، وە لە پێوانەکردنی بەرزترین و نزمترین پلەی گەرمیدا ئەم ڕێگایانە بەکاردێت:

  • ناوەندی ڕۆژانەی پلەی گەرمی=پلەی گەرمی= سەرجەمی (کۆکراوەی) نزمترین و بەرزترین پلەی گەرمی رۆمارکراو لە ماوەی ڕۆژێکدا و دابەش کردنی بەسەر (٢) دا.
  •   مەودای پلەی گەرمی ڕۆژانە= جیاوازی نێوان بەرزترین و نزمترین پلەی گەرمی تۆمارکراو لە ماوەی ڕۆژێکدا
  • ناوەندی مانگانەی پلەی گەرمی= سەرجەمی (کۆکراوەی) ناوەندەکانی ڕۆژانەی پلەی گەرمی و دابەش کردنی بەسەر ژمارەی ڕۆژەکانی مانگدا.
  • مەودای وەرزی پلەی گەرمی= جیاوازی نێوان بەرزترین و نزمترین ناوەندی وەرزانەی پلەکانی گەرمیە، یان جیاوازی نێوان بەرزترین و نزمترین پلەی گەرمی لە ماوەی وەرزەکاندا.

وە بۆ ئاسانکردنی کرداری شیکردنەوەی پلەکانی گەرمی و دابەشبوونی، هێڵەکانی پلەی گەرمی یەکسان بەکاردێت، کە ئەو وێستگانە دەگرێتەوە کە لە ڕووی پلەی گەرمیەوە یەکسانن.


سەرچاوەکان

960 بینین