ناوه‌ڕۆك
چیرۆك و زانیاری فیلم
ڕەعنا و عیماد ژن و مێردێکن کە کاری شانۆیی دەکەن، شەوێک بەهۆی خراپبوونی باڵەخانەکەیانەوە دێنە دەرەوە و دواتر ماڵەکەیان دەگوازنەوە بۆ شوێنێکی دیکە، کە پێشتر ماڵی ژنێکی سۆزانی بووە، هەموو شتێک بە باشی تێدەپەڕێت تا ئەوەی ڕۆژێک میوانێکی سەیر دێتە ماڵەوە.
فروشندە (٢٠١٦) فیلمێکە لە کاری نووسین و دەرهێنانی ئەسغەر فەرهادی و حەوتەمین کاریەتی، فیلمەکە سەرەتا ناوی (برسد بدست اهو) واتە (بگات بە دەستی ئاسک). فیلمەکە بەشداری فیستیڤاڵی کانی کرد و خەڵاتی باشترین سیناریۆ بۆ ئەسغەر فەرهادی و باشترین ئەکتەری پیاوی ساڵیش بۆ (شەهاب حوسەینی) بەدەستهێنا. فروشندە وەک نوێنەری ئێران لە فیستیڤاڵی دابەشکردنی خەڵاتی ئۆسکاری ٢٠١٧ بەشداری کرد و توانای براوەی باشترین فیلمی بیانی بێت. بەژدابووانی فیلمەکە (شهاب حسینی) لە ڕۆڵی عیماد و (ترانە علیدوستی) لە ڕۆڵی ڕەعنا و (مهدی کوشک) لە ڕۆڵی سیاوەش و ( بابک کریمی) لە ڕۆڵی بابەک و ( مینا ساداتی ) لە ڕۆڵی صنم و (فرید سجادی حسینی ) لە ڕۆڵی پیرەپیاوێک ــن. ماوەی فیلمەکە ١٢٥ خولەکە و نمایشەکەی لە فەڕەنسا و ئەڵمانیا و پۆڵەندا و نیوزلەندا و کەنەدا و بەریتانیا ئەنجامدرا و لە وڵاتی ئێران بە ١٦ ملیار تمەن و لە ئەمریکا بە ٢ ملیۆن دۆلار و لەفەڕەنسا بە ١ ملیۆن یۆرۆ قازانجی کرد. فیلمەکە کەسانێکی کەم هەبوون ڕەخنەی لێبگرن و لە سایتی ڕەیتین تۆماتۆس لە کۆی ١٤٨ ڕەخنەگر ڕەیتینگی ٩٧/١٠٠ ی بەدەستهێناوە. بە پێی نوسراوێک لە ماڵپەڕی سینەمایی سینەماجۆڕناڵ، چیرۆکی فیلمەکە بەهۆی کاریگەری دوو چیرۆکی فیلمی (The Tenant) ی دەرهێنەر ( Roman Polonski) و فیلمی ( حقایق دربارەی لیلا دختر) ی دەرهێنەر ( بهرام بیضایی ) ـەوەیە. فیلمی فروشندە خاوەنی بیست خەڵاتی گرنگی سینەماییە. لە فیستیڤاڵی کان خاوەنی دوو خەڵاتە بۆ باشترین ئەکتەری پیاو و باشترین سیناریۆ، خاوەنی خەڵاتی ئۆسکار و باشترین فیلمی ئاسیا و باشترین فیلمی فیستیڤاڵی شیکاگۆ ـە. لە وڵاتی هیندستان براوەی خەڵاتی باشترین فیلمی فیستیڤاڵی مۆمبای و فێست و ڕێکخراوی لێکۆڵینەوەی فیلم و خەڵاتەکانی ( ستلایت ) و ( سیمینسی ) و ( ڤێنکۆر) و (ئەمستردام) و ( دێنۆر ) و (میونخ) . لە وڵاتی ئێرانیش لە فیستیڤاڵی فیلمی فەجر بەشداری نەکرد چونکە کۆمپانیاییەکی فەڕەنسی کاری بڵاوکردنەوەی ئەنجامدا بەڵام لە فیستیڤاڵی خانەی سینەما براوەی خەڵاتی باشترین فیلم و سیناریۆ و دەرهێنەر و ئەکتەر و ئەکترێس و ڕۆڵی پاڵپشتی پیاو و مۆنتاژ و ڕووکار بوو
دەرهێنەر
ئەسغەر فەرهادی
نووسەرەكان
ئەسغەر فەرهادی
سەرچاوەکان
901 بینین
