پێکهاتەی ئاڕاستە دەروونییەکان

پێکهاتەی ئاڕاستەکان

ئاڕاستەکان سێ پێکهاتەی سەرەکیان هەیە:

١- پێکهاتەی مەعریفی:

ئاڕاستەکانی مرۆڤ پەیوەست بەو زانیاریانەی کە هەیەتی دەربارەی کەسەکان بابەتی ئاڕاستەکەی، چونکە ئەگەر بنەمای دروستبوونی ئاڕاستە بەباشتر زانینی بابەتێکە لەسەر بابەتێکی تر، ئەوا ئەم کارە پێویستی بە پڕۆسەیەکی ئەقڵیە.

٢- پێکهاتەی سۆزی:

ئەم پێکهاتەیە ئاماژە بە هەستی خۆشەویستی و ڕقە مرۆڤ ئاڕاستەی شتەکان و کەسانی تری دەکات، بۆ نمونە بابەتێکی خۆشدەوێت زۆر بە توندی بۆی دەچێت وە ڕقی لە بابەتێکی ترە زۆر بە توندی لێی دووردەکەوێتەوە.

٣- پێکهاتەی ڕەفتاری:

ئاڕاستەکان وەک پێوەرێک بۆ ڕەفتارەکانی مرۆڤ دەژمێردرێت، چونکە ئاڕاستەکان وا لە مرۆڤ دەکات پەنا بباتە بەر کار، بۆ نمونە ئەو مرۆڤە ئاڕاستەی کاری باشی هەبێت وەڵامی بانگ دەداتەوە و دەچێت بۆ نوێژ کردن، بەڵام ئەگەر ئاڕاستەکەی خراپ بوو ئەوا گوێ بە بانگ نادات.

سەرچاوەکان

1. بنەماکانی دەروونزانی گشتی /ن: عزالدین احمد عزیز
2. بۆردی نوسەرانی ئینسكلۆپیدیای زانیاری