جۆرەکانی بالووکە

له‌لایه‌ن: - شارا نەوزاد شارا نەوزاد - به‌روار: 2024-03-29-22:37:00 - کۆدی بابەت: 12382
جۆرەکانی بالووکە

ناوه‌ڕۆك

ناساندن 

جۆرەکانی بالووکە (بە ئینگلیزی: Types of wart، بە عەرەبی: أنواع ثٲلیل) بالووکە چەندین جۆری کە لە ڕووی تایبەتمەندی و دیوی دەرکەوتن هەروەها شوێنی دروستبوون و دەرکەوتنیان جیاوازن.

بالووکە لوویەکی سەلامەتە کە لە گەشەکردنی زیاد لە پێویستی خانەکانەوە لە ڕووی پێست یان لینجە پەردەکان (لینجە پەردەی ناو دەم) دروستدەبێت. ڤایرۆسی پاپیلۆمای مرۆڤ (HPV) دەبێتە هۆی تووشبوون بە بالووکە. 

جۆرەکانی بالووکە

دابینکەرانی چاودێری تەندروستی پۆلێنی بالووکە دەکەن لەسەر بنەمای ئەوەی چۆن دەردەکەون، جۆری ئێچ پی ڤی کە دەبێتە هۆی بالووکە و هەروەها ئەوە کاریگەری لەسەر چی بەشێکی جەستە دەبێت:

بالووکەی باو: بالووکە باوەکان لە سەر پێست دەردەکەون. زۆربەی کات هەست بەوە دەکەن کە خاڵی ڕەشیان هەیە و وەک تۆو دەردەکەون. لە ڕاستیدا خاڵە ڕەشەکان خنکێنەر و لوولەی مردوون. لە قەبارەی سەرە دەرزییەک بۆ قەبارەی نیسکێک دەبێت. جۆرەکانی ئێچ پی ڤی دوو و چوار (زۆربەی باوترین) دەبنە هۆی بالووکەی باو لەگەڵ جۆرەکانی یەک، سێ، حەوت، ٢٧، ٢٩ و ٥٧.

بالووکەی بەرپێی: بالووکە بەرپێییەکان بە شێوەیەکی ئاسایی لەسەر پێیەکان دروست دەبن، بەتایبەتی تەنها (ڕووی پێ) یان لەپی پێیەکان. ئەوان زۆرجار تەختن یان گەشە دەکەن لە ناوەوە و دەتوانن خاڵی ڕەشیان هەبێت. جۆرەکانی ئێچ پی ڤی ١، ٢، ٤، ٢٧ و ٥٧ دەبنە هۆی بالووکەی بەرپێی.

بالووکەی موزایک: ئەم بالووکانە سپین و قەبارەیان گەورەیە بە شێوەیەکی ئاسایی لەسەر تۆپەکانی پێیەکان یان لە ژێر پێیەکانت دروست دەبن. بەڵام ئەوان دەتوانن بڵاو ببنەوە و ڕووبەری گەورەتری پێیەکان داپۆشن. بالووکەکانی مۆزایک لە بالووکەکانی بەری پێیەکان تەختترن، و بە دەگمەن ئازار دەچێژن کاتێک دەڕۆیت. HPV جۆری ٢ دەبێتە هۆی بالووکەی مۆزایک.

بالووکە تەختەکان: ئەم بالووکانە دەتوانن لە هەر شوێنێکی جەستە گەشە بکەن. ئەوانە بچووکتر و نەرمترن لە بالووکەکانی تر و بە ژمارەیەکی زۆر گەشە دەکەن. ٢٠ بۆ ١٠٠ دانە لە یەک کاتدا. جۆرەکانی ئێچ پی ڤی ٣، ١٠ و ٢٨ دەبنە هۆی بالووکەی تەخت.

بالووکەی فایلیفۆڕم: ئەم بالووکانە وەکو دەزوو وان کە بەیەکەوە نووسابن. زۆرجار لەسەر دەموچاو گەشە دەکەن، لە دەوری دەم و چاو و لووت. جۆرەکانی ئێچ پی ڤی ١، ٢، ٤، ٢٧ و ٢٩ دەبنە هۆی بالووکەی فلیفۆرم.

بالووکەی ئەندامی زاوزێ: ئەم بالووکانە کاریگەرییان لەسەر ئەندامی زاوزێ و ڕێکە هەیە. هەروەها ئەم جۆرە نەخۆشییەکی گوازراوەی سێکسییە (STI) کە لە ڕێگەی پەیوەندی پێستەوە دەگوازرێتەوە. بالووکەکانی زاوزێ بچووکن، گرێی ڕەقن لەگەڵ ڕووی ڕەق. جۆرەکانی ئێچ پی ڤی ٦ و ١١ دەبنە هۆی نزیکەی ٩٠٪ی بالووکەکانی زاوزێ.

بالووکەی بەچەر یان بالووکەی گۆشتفرۆش: بالووکە دروست دەکات لەو کەسانەی کە گۆشتی خاو هەڵدەگرن و بەرکەوتنیان لەگەڵی هەیە (وەک گۆشتفرۆش) و ئەوانەی کە پیشەکانیان بەرکەوتنی بەردەوام بە ژینگەیەکی سارد و شێ دەگرێتەوە. ئێچ پی ڤی جۆری ٧ دەبێتە هۆی بالووکەی گۆشتفرۆش.

نەخۆشی هێک یان Heck’s disease: نەخۆشییەکی دەگمەنە کە بالووکە لە ناو دەمدا دروست دەکات (لەسەر لینجە پەردە). بە گشتی نەرمە و ڕەنگی سپی باوە و جۆرەکانی HPV ١٣ و ٣٢ دەبنە هۆی نەخۆشی هێک.


سەرچاوەکان



173 بینین