ناوه‌ڕۆك
ناساندن
پشکنینی کۆلیستڕۆڵ (بە ئینگلیزی: Cholesterol test) ئاستی کۆلیستڕۆڵ دەپێوێت لە خوێندا کە جۆرێکە لە گەردی چەوری. ئەم پشکنینە دەتوانێت یارمەتیدەر بێت بۆ هەڵسەنگاندنی تەندروستی دڵ بەوپێیەی زۆری کۆلیستڕۆڵ هۆکارێکی مەترسییە بۆ کێشەی دڵەدەمارەکانی وەکوو نەخۆشی دڵ و جەڵتە.
کۆلیسترۆڵ جۆرێکە لە چەوری کە لە جەستەدا هەیە و پێویستە بۆ زۆرێک لە ئەرکە گرنگەکان. کۆلیسترۆڵ بە شێوەیەکی سروشتی لە جەستەدا بەرهەم دێت، بە شێوەیەکی سەرەکی لە جگەر و هەندێک شانەی تردا هەیە.
کۆلیسترۆڵ لە لەشدا لە ڕێگەی خوێنەوە لە ڕێگەی پرۆتینی تایبەتەوە دەگوازرێتەوە کە پێیان دەوترێت چەوری پڕۆتین.
جۆرەکانی چەوری پرۆتین
دوو جۆری سەرەکی چەوری پڕۆتین هەیە کە گرنگن لە گواستنەوەی کۆلیسترۆڵدا، ئەوانیش بریتین لە:
۱-چەوری پڕۆتینی چڕی نزم (LDL): هەروەها بە “کۆلیسترۆڵی خراپ” ناسراوە. LDL کۆلیسترۆڵ لە جگەرەوە دەگوازێتەوە بۆ خانەکانی جەستە، بەڵام کاتێک ئاستی LDL لە خوێندا زۆر بەرز دەبێتەوە، دەتوانێت لەسەر دیواری خوێنبەرەکان بنیشێت و ببێتە هۆی ڕەقبوونی خوێنبەرەکان.
۲-چەوری پڕۆتینی چڕی بەرز (HDL): هەروەها بە "کۆلیسترۆڵی باش" ناسراوە. HDL کۆلیسترۆڵ لە خانەکانی لەشەوە دەگوازێتەوە بۆ جگەر بۆ فڕێدانی، زیادکردنی ئاستی HDL لە خوێندا سوودی هەیە چونکە یارمەتی دابەزاندنی ئاستی کۆلیسترۆڵی خراپ دەدات.
ئاستی کولیسترۆڵ
هاوسەنگی ئاستی کۆلیسترۆڵی خوێن گرنگە بۆ پاراستنی تەندروستی دڵ و خوێنبەرەکان. بەزۆری ئاستی کۆلیسترۆڵ لە خوێندا بە بەکارهێنانی پشکنینی چەوری خوێن دەپێورێت، بەها ئاساییەکان بۆ ئاستی کۆلیسترۆڵ لە خوێندا بریتین لە:
کۆی گشتی ئاستی کۆلیسترۆڵ: دەبێت کەمتر بێت لە ٢٠٠ میلیگرام/دیلیتر (کۆی گشتی گروپی کۆلیسترۆڵ LDL و HDL لەخۆدەگرێت).
ئاستی کۆلیسترۆڵی LDL: پێویستە لە 100 میلیگرام/دیلیتر کەمتر بێت.
