تەمەنی نائومێدی

له‌لایه‌ن: ئەلەند ئەکرەم - به‌روار: 2021-01-26-20:11:00 - کۆدی بابەت: 1645
تەمەنی نائومێدی

ناوه‌ڕۆك

تەمەنی نائومێدی

هەر کە سوڕی مانگانەی ژنێک تەواو دەبێت، تەمەنی نائومێدی لێی ڕووی داوە. وە ئەم کاتەش لە تەمەنی نزیکەی ٤٧ بۆ ٥٢ ساڵیدایە، هۆی ئەمەش کەم بوونی هۆرمۆنی ئەسترۆجینە، ئەمەش دەبێتە هۆی دروست نەکردنی هێلکە لە منداڵداندا. پێش ئەوەی بە تەواوی سووڕی مانگانە بووەستێت، چەند مانگێک بێ نوێژی ناڕێک و پێک ڕوودەدات، بە زۆری لەم کاتەدا چەند نیشانەیەک دەردەکەون، لەوانە:

  • ژانە سەر
  • کەلەکە ئێشە
  • گیراوی
  • بێ قەراری
  • ئارەزوو نەکردنی خواردن
  • خەمۆکی
  • کەم بوونەوەی ئارەزووی سێکسی
  • وشکی زێ
  • خوێنبەربوونی بەهێز

ڕێژەی ٣٠٪ی ژنانی تەمەنی نائومێدی هیچ جۆرە ئازارێکیان نییە، بەربڵاوترین شەکوای ژنانی نائومێد ئارەق کردنەوەیە  کە سەبەبی دەگەڕێتەوە بۆ ئەوە.
پاشان هەست بەسەرما و لەرز کردن کە ئەمەش هەر بۆ نائومێدی دەگەڕێتەوە. گرنگترین شت کە لە پاش نائومێدی ڕوودەدات لە ژناندا بریتییە لە پوکی وناسکی ئێسک، کە هەندێ جار بە شێوەیەک ناسک دەبێتەوە کە بە بچووکترین بەرکەوتن دەشکێت. بۆ پێشگری لەم حاڵەتانە دەبێت ئەمانە بکرێ. دەرمانی جێگرەوەی ئەم بارەیان لێ بدرێت، لەوانەش دەرمانێک کە سترۆجین و پرۆجستۆن تێدا بێت. ئەمەش سەرجەم نەخۆشی و نیشانەکانی ئەم کاتە لەناو دەبات و چەند حاڵەتێکی نێگەتیڤی هەیە، لەوانە گێرانەوەی دووبارە دروست بوونی سوڕی مانگانە، ئەم دەرزیانەش کە باس کراون نابێت بدرێت لەو کەسانەی کە ئەم نەخۆشییەیان هەیە:

  • نەخۆشییەکانی دڵ
  • نەخۆشی شەکرە
  • شێرپەنجەی مەمک
  • واریس


سەرچاوەکان

143 بینین