ناوه‌ڕۆك
سەرەتا
ماوەی دووگیانی لەبەرئەوەی ماوەیەکی هەستیارە بۆ خانمان دەبێت زۆر ڕەچاوی خۆراکیان بکەن و دڵنیابنەوە لەوەی کە چ خۆراکێک بەسوودە یاخود زیانی هەیە بۆیان و خۆیانی لێ بپارێزن، خواردنی هەنگوین لەماوەی دووگیانیدا بێ زیانە بەو مەرجەی کە زیادەڕەوی نەکرێت لە خواردنیدا و ڕۆژانە لە ٢ بۆ ٥ کەوچکی چێشت زیاتر نەبێت و پاڵفتە کرابێت و خاو نەبێت، زۆرێک لە خانمان پێیان وایە خواردنی هەنگوین لەماوەی دووگیانیدا زیانی هەیە بەهۆی بوونی چەند بەکتریایەک تێیدا بەڵام خواردنی هەنگوین زیانی نییە و سوودی هەیە بەو مەرجەی هەنگوینەکە سروشتی بێت و شەکری تێدا نەبێت و پاڵفتە بێت چونکە ئەگەر خاو بێت ئەگەری توشبوون بە بۆتۆلیزم زیاد دەکات، هەرچەندە ئەم ژەهرە تەنها دەتوانێت زیان بدات لە منداڵی خوار تەمەن ١ ساڵ چونکە کۆئەندامی هەرسیان تەوا گەشەی نەکردووە بەڵام کۆئەندامی هەرسی کەسانی پێگەیشتوو کۆمەڵێک بەکتریای تێدایە کە ڕێگری دەکات و ناهێڵێت ئەو ژەهرە بگاتە وێڵاشەوە.
پێکهاتەکانی ناو کوپێک هەنگوین
کوپێک هەنگوین = (٣٣٣) گرام
- کالۆری: ١٠٣١ کیلۆ کالۆری
- کاربۆهیدرات: ٢٧٩ گرام
- فایبەر: ١ گرام
- شەکر: ٢٧٨ گرام
- پڕۆتین: ١ گرام
- ڤیتامین B6: ١ میلیگرام
- ڤیتامین C: ١/٧ میلیگرام
- ڕایبۆفلاڤین: ١ میلیگرام
- فۆلیک ئەسید: ٨/٦ مایکرۆگرام
- ئاسن: ٤ میلیگرام
- پۆتاسیۆم: ١٧٦ میلیگرام
- گۆگرد: ٦/١٣ میلیگرام
- مەگنیسیۆم: ٨/٦ میلیگرام
- زینک: ٧/٠ میلیگرام
- مەنگەنیز: ٣/٠ میلیگرام
- سۆدیۆم: ٦/١٣ میلیگرام
- مس: ١ میلیگرام
- سلینیۆم: ٧/٢ مایکرۆگرم
سوودەکانی خواردنی هەنگوین لەماوەی دووگیانیدا
بەهێزکردنی کۆئەندامی بەرگری جەستە
بەهۆی بوونی دژە بەکتریا و دژە ئۆکسانەکانی ناو هەنگوین کۆئەندامی بەرگری جەستە بەهێز دەکات، چارەسەرە بۆ برینەکان و بڕینی جەستە، دڵەکزەی گەدە کەم دەکاتەوە بە کەمکردنەوەی ترشێتی گەدە.
چارەسەری بێخەوی
تایبەتمەندی هیپنۆتیکی ناو هەنگوین زاڵ دەبێت بەسەر کێشەی بێخەویدا، خواردنەوەی کۆپێک شیر و کەوچکێک هەنگوین پێش دووگیانی ڕێگری دەکات لە بێخەوی.
چارەسەرە بۆ کۆکە و سەرمابوون
هەنگوین دژە ڤایرۆسە و ڕێگری دەکات لە سەرمابوون و هەڵامەت و یارمەتیدەریشە بۆ کەمکردنەوەی کۆکە.
کەمکردنەوەی هەوکردنی گەروو
تایبەتمەندی دژە هەوکردنی هەیە و هەوکردنی گەروو کەم دەکاتەوە و دەتوانیت لەگەڵ زەنجەفیل و چای لیمۆ تێکەڵی بکەیت و بیخۆیت.
چارەسەری میکرۆبی گەدە
یارمەتیدەره بۆ چارەسەری میکرۆبی گەدە (H. pylori)
چارەسەرە بۆ پێست
یارمەتی پاککردنەوەی پێست و کەمکردنەوەی خورانی پێست دەکات، دەتوانیت کەمێک هەنگوین لەگەڵ ئاوی شلەتێن تێکەڵ بکەیت و بیدەیت لە پێستەکە.
کەمکردنەوەی هەستیاری
یارمەتیدەرە بۆ کەمکردنەوەی هەستیارییە وەرزییەکان.
سوودەکانی دیکە
سەرچاوەیەکی باشی کالسیۆمە و لەگەڵ خواردنەوەی شیردا زۆر بەسوودە.
چارەسەرێکی باشە بۆ کەمخوێنی لەماوەی دووگیانیدا.
خواردنی هەنگوین لەگەڵ دۆشاوی ترێدا قەبزی ناهێڵێت.
کاریگەرییە لاوەکییەکانی خواردنی هەنگوین
ئەگەر بێت و هەنگوین زیاد لە ئاستی پێویست بخۆیت و زیادەڕەوی تێدا بکەیت، ئەگەری هەیە ئەم کێشانەت بۆ دروست بکات:
- هەنگوین شەکری ناو خوێن بەرز دەکاتەوە و خواردنی زیاتر لە ٢٥ گرام فرەکتۆز لە ڕۆژێکدا لەماوەی دووگیانیدا زیانبەخشە.
- زۆر خواردنی دەبێتە هۆی کەشەنگبوونی گەدە، قەبزی، سکچوون و بای سک و سیستەمی هەرسی گەدە تێێک دەدات.
- شەکر و شرینی زور ددانەکان دەڕزێنن و خراپی دەکەن.
- ئەو ڕێژە کالۆرییە بەرزەی لەناو هەنگویندا هەیە دەبێتە هۆی زیادبوونی کێش.
چەند ڕێنوێنییەک بۆ هەڵبژاردنی هەنگوینی گونجاو
- دڵنیابیتەوە لەوەی کە هەنگوینەکە پاڵفتە کرابێت و خاو نەبێت.
- بەتەواوی سروشتی بێت و هیچ شەکرێکی تێدا نەبێت.
- دەبێت ڕۆژانە ٣ بۆ ٥ کەوچکی چێشت هەنگوین بخورێت و لەوە زیاتر نەبێت.
- تاکوو دەتوانیت بەجیا هەنگوین بخۆ و تێکەڵی هیچ ماددەیەکی دیکەی مەکە و تەنها تێکەڵی ئاوی شلەتێنی بکە.
- هەنگووین تێکەڵی خواردنێک نەکەیت کە دەوڵەمەند بێت بە ڤیتامینەکانی C و D چونکە ماددەکانی ناو هەنگوین تایبەتمەندی ئەم ماددانە کەم دەکەنەوە.
