ناوه‌ڕۆك
سەرەتا
هەر لە منداڵییەوە دەبێت زانیاری لەسەر زۆر لایەن بدەیت بە منداڵەکەت بەڵام بە پێی تەمەنەکەی، یەکێک لەوانەش کە زۆر گرنگە بابەتی پارەیە، پێویستە منداڵ گرنگی و بایەخی پارە بزانێت و زانیاری هەبێت دەربارەی.
یەکێک لە سوودەکانی ئەوەیە کە پارە بە بێ هۆ و لەخۆوە خەرج ناکەن و دەزانن چۆن سوودی لێ وەربگرن و نرخی دەزانن.
ئەگەر تۆ خۆت کەسێکی دەسبڵاو بیت یاخود ڕەزیل بیت ناتوانیت منداڵەکەت تێبەگەیەنێت کە چۆن ڕێزی پارە بگرێت و چۆن بەکاری بهێنێت.
ڕێگاکانی قسەکردن دەربارەی پارە لەگەڵ منداڵەکەتدا
- هەمیشە بڕێک پارە با لە باخەڵی منداڵەکەتدا بێت، فێری بکە کە نیوەی خەرج بکات و نیوەی کۆبکاتەوە.
- دەست خۆشی لە منداڵەکەت بکە کاتێک نیوەی پارەکەی کۆدەکاتەوە و هەڵیدەگرێت و لەبارەی گرنگی ئەم کارەیەوە قسەی لەگەڵدا بکە و پێی بڵێ کە بەم کۆکردنەوەیە ڕۆژێک دەتوانیت بڕە پارەیەکی زۆرت دەست بکەوێت و ئەوکات دەتوانیت ئەو شتەی کە ئارەزووی لێ بکەیت بیکڕیت.
- فێری بکە کە هەرگیز نابێت ڕەزیل یاخود دەسبڵاو بێت لە بەکارهێنانی پارەدا و پارە بۆ شتی زۆر لاوەکی بەکاربهێنێت، ئەوکات پارەی پێ نامێنێت بۆ کاری زۆر گرنگ بۆیە دەبێت بزانێت چ شێک لە پێشترە و هەروەها فێری بکە کە بۆ هەندێک کاری گرنگ پێویست دەکات ڕەزیلی نەکات و پارە بەکاربهێنت.
- نەک پارە ئەوەی فێربکە هەر ئامێرێک لە ماڵەوە کە کارت پێی نەما دەبێت بیکوژێنیتەوە وەک، تەلەفزیۆن، گسکی کارەبایی و هەروەها کۆکردنەوەی یارییەکانی کاتێک کاری پێیان نامێنێت بەمەش فێری ئەوە دەبێت کە چۆن بتوانێت پارەش بەکاربهێنت.
سەرچاوەکان
735 بینین
