ناوه‌ڕۆك
ئەو خواردن و خواردنەوانەی لە قۆڵۆن ڕزگارت دە‌كە‌ن
زۆرێك لە خە‌ڵكی بە‌دە‌ست نەخۆشی و ئازاری قۆڵۆنە‌وە دە‌ناڵێنن و بە‌ردە‌وام ھە‌وڵی ئەو جۆر و خۆراكانە دە‌دە‌ن كە دە‌یانپارێزێت لە ئازارە‌كانی قۆڵۆن و گە‌ڕان بە‌دوای چارەسەری بنە‌ڕە‌تدا.
بە‌گوێرە‌ی توێژینە‌وە‌یە‌كی پزیشكی كۆمە‌ڵێك خواردن و خواردنە‌وە دە‌بێتە ھۆی ھۆكاری كە‌مبوونە‌وە‌ی سلبیاتی قۆڵۆن و چارە‌سە‌رێكی گونجاو دە‌بێت بۆی.
چای سە‌وز.. خواردنە‌وە‌ی كوپێك چای سە‌وز لە ڕۆژێكدا دە‌بێتە ھۆی كە‌مبوونە‌وە‌ی ئازار و تە‌شە‌نوجاتی ڕیخۆڵە‌كان و یاریدە‌ی كە‌مبوونە‌وە‌ی نەخۆشی قۆڵۆن دەدات، لە‌لایە‌كی تریشە‌وە كرداری ھە‌رس ئاسان دە‌كات.
بادە‌م.. خواردنی بادە‌م سودێكی زۆری ھە‌یە بۆ ئەو كە‌سانە‌ی نەخۆشی قۆڵۆنیان ھە‌یە. چونكە بادە‌م پرۆتینێكی زۆری تێدایە و كارئاسانی بۆ كۆئە‌ندامی ھە‌رس دە‌كات و كۆمە‌ڵێك پێكھاتە‌ی تری بە‌سوودی تێدایە بۆ دووركە‌وتنە‌وە لە ئازاری قۆڵۆن.
ترێ.. لە‌نێو گشت میوە‌كانی تردا جیاوازیە‌كی زۆری ھە‌یە و سوودێكی زۆر زیاتری ھە‌یە بۆ گە‌دە و نەخۆشی قۆڵۆن، جە‌ستە‌ی مرۆڤیش دە‌پارێزێت لە خانە‌كانی شێرپە‌نجە و ناھێڵێت سە‌رھە‌ڵبدات.
ماست.. بە‌شێوە‌یە‌كی نمونە‌یی دژایە‌تی نەخۆشی قۆڵۆن دە‌كات، ڕێژە‌یە‌كی گونجاو لە شە‌كری لاكتۆزی تێدایە و یاریدە‌ی گە‌دە و ڕیخۆڵە‌كان دەدات بۆ ھەرسكردنی خواردن.
لە‌گە‌ڵ بە‌كارھێنانی ھە‌ر پێكھاتە‌یە‌كی سروشتی و خواردن و خواردنە‌وە دە‌بێت سە‌ردانی پزیشكی پسپۆر بكە‌یت و ناكرێت بە‌بێ ڕاوێژ بە‌كاربھێندرێت.
