ناوه‌ڕۆك
کەشەنگبوونی دەمار چییە؟
لەکاتی ڕوودانی گرژبوونێکی توندی خۆنەویستانە و پەیدابوونی ئازار، لەو کاتەدا بە کەشەنگبوونی دەمار ناودەبرێت، کە لە هەبوونی ئەم حاڵەتەدا قورسە کەسەکە کردارە ئاسانەکانیش ئەنجامبدات وەکوو ڕیکردن و قسەکردن و جگە لەوە، کرداری کەشەنگبوونەکە زۆر نائاسوودە و ئازاربەخشە، هۆکارەکانیشی زۆر و جۆراوجۆرن، بەتایبەت لە ڕوودانی پێکانی پچڕان یان تێکچوونی ئەو لێدانە دەمارییانە کە کۆنترۆڵی ماسولکەکان دەکەن، لەو پێکانانەش پێکانی دڕکە پەتک و پێکانی مێشک و جۆرەکانی تری نەخۆشی وەکوو ڕەقبوونی لاتەنیشتی ماسولکە پووکانەوە و جگە لەویش، لەکاتی دەستکردن بە چارەسەر دەبێت ئامانجەکە کەمکردنەوەی ئازار و پاراستنی توندی پێویست بۆ ماسولکەکان.
هۆکاری کەشەنگبوونی دەمار
زۆرجار ئەمە هاوتای ڕوودانی ئیفلیجی بەشەکی و نیشانەی ترە، کە دەکرێت ببێتە هۆی لاوازی زۆری ماسولکەکان، بەڵام بە نەشتەرگەری و ئامادەکاری و چارەسەری دەروونیی کۆمەڵایەتی گونجاو دەکرێت چارەسەری نیشانەکانی بکرێت و دواتریش باشکردنی ژیانی تاکی توشبوو، لە هۆکارەکانی کەشەنگبوونی دەماریش بریتین لە:
- کۆنیشانەی دڕکە پەتکی بەستراو.
- پەیدابوونی لوو لە دڕکە پەتک.
- بەرکەوتنی دەماریی لاتەنیشتی یان ناوەندی.
- ڕوودانی ئاوبەنگ و خوێنبەربوونی ناو کەلەی سەر.
- بە شێوەیەکی سەرەکی هۆکاری ڕوودانی کەشەنگبوون بریتییە لە شی بوونەوەی مایلین کە دەمارەکان دادەپۆشێت، کە لەم حاڵەتەدا دەبێتە هۆی زیادکردنی هێزی ماسولکەکان، بەهۆی لێدانە دەمارییە خاو و پچڕاوەکانەوە، ڕەنگە دەمارەکان بەردەوام بن لە تێکچوون بۆ ماوەیەکی زۆر و دریژخایەن و تەنانەت بە شێوەیەکی بەردەوام، هەندێک جۆری هەوکردن کە دەبنە هۆی زیاتربوونی هۆکارەکانی کەشەنگبوونی دەماری وەکوو هەوکردنی کۆئەندامی هەناسە و میزەڕۆ و میزڵدان.
- حاڵەتی فێ.
- ساردی کەشوهەوا لەگەڵ بەرزبوونەوەی پلەی گەرمی جەستە.
- قەبزی و شڵەژاوی و دوودڵی.
چارەسەری کەشەنگبوونی دەمار
ئەگەر کەشەنگبوونەکان چارەسەر نەکرێن ڕەنگە ببنە هۆی ڕەقبوونی جومگەکان و ڕوودانی برین لە پێستدا، ڕەمگە ڕەقبوونی بۆ ماوەیەکی زۆر ببێتە هۆی بێتوانایی لە جوڵاندنی ڕان و ئەژنۆ و پاژنە و قۆڵەکان و ئانیشکەکان، لە ڕێگاکانی چارەسەری کەشەنگبوونی دەماریش بریتین لە:
- بەکارهێنانی هەندێک جۆری دەرمان وەکوو کڵۆنازیبام و دانترۆلین و دایازیپام.
- ڕەنگە بەرنامەی چارەسەری جوڵەی فیزیایی یارمەتیدەربێت، کە درێژکردنەوەی ماسولکەکان و چەند ڕاهێنانێکی تر دەگرێتەوە.
- هاندانی مێشک بەکاردێت کاتێ دەرمان و جوڵە هاوکاری باشبوونی نەخۆشییەکە ناکەن.
- بەکارهێنانی دەرزی ژەهری لە ڕێی سکەوە، کە ڕاستەوخۆ لە ماسولکەی توشبوو دەدرێت، هەروەها باکڵۆفین کە ماسولکەکان خاو دەکاتەوە و فینۆڵ دەمارەکان ئارام دەکاتەوە و تیزانیدین کە کەشەنگبوونەکان کەم دەکەنەوە و ماسولکەکان پشوو پێ دەدەن.
- ڕەنگە نەشتەرگەری ئەنجامبدرێت بۆ ڕزگارکردنی ژێیەکان، یان بڕینی دەمارە ماسولکە، بەتایبەت گەر دەرمان و چارەسەر نیشانەکانی کەم نەکردەوە.
- لەبەرکردنی جلوبەرگی فش و خۆلادان لە لەبەرکردنی جلوبەرگی تەسک.
- گۆڕینی حاڵەتی دانیشتن ماوە ماوە، بەلایەنی کەمەوە دوو کاتژمێر جارێک، چونکە ئەمە رێگرە لە ڕوودانی برین بەتایبەت گەر نەخۆش لەسەر کورسی جوڵاوبوو یان بۆ ماوەیەکی زۆر لە جێگادا دەمایەوە.
- نوستن بە بڕی پێویست.
