ناوه‌ڕۆك
ناساندن
ڕێنمایی هەنگاو بە هەنگاو بۆ نووسینی پلانێکی فێرکاری کاریگەر (بە ئینگلیزی: A step by step guide to writing an effective learning plan، بە عەرەبی: دلیل لكتابة خطة تعلیمیه فعالة)، بۆ ئەوەی ئەوە پلانە فێرکارییەی کە دایدەنێیت کاریگەر بێت ڕەچاوی ئەم هەنگاوانەی خوارەوە بکە:
ئامانجەکەت بزانە
یەکەم هەنگاو بۆ دروستکردنی پلانی فێرکاری سەرکەتوو ئەوەیە کە ئامانجەکەت بزانیت، دەتەوێت فێرخوازەکانت لەم وانەیەدا فێری چی ببن؟ هەوڵی چی دەدەیت؟ کاتێک ئامانجەکەت زانی، دەتوانیت ئامانجەکەت بە تەرکیزەوە دابنێیت، فێرخوازەکان ئەگەری فێربوونیان زیاترە، ئەگەر بزانن بڕیارە چی فێر ببن.
هەڵبژاردنی کەرەستەی گونجاو بۆ وانەکەت
ئەمەش کتێب و لاپەڕەکانی کار، چالاکییەکان و هەر شتێکی تر دەگرێتەوە کە پێویستت پێ دەبێت، باشترین ڕێگا بۆ هەڵبژاردنی کەرەستە ئەوەیە کە بیر لە ئامانجەکەت بکەیتەوە و دواتر ئەو کەرەستانە بدۆزیتەوە کە بۆ گەیشتن بۆ ئەو ئامانجە یارمەتیت دەدات، بۆ نموونە ئەگەر وانەکە وانەیەکی تێگەیشتن بێت لە خوێندنەوە، پیویستت بە کتێب و لاپەڕەی کار دەبێت، ئەگەر وانەی بیرکاری بڵێیتەوە پێویستت بە لاپەڕەی کاری بیرکاری دەبێت.
پلانێک دابنێ
کاتێک کەرەستەکانت هەبوو، کاتی ئەوە هاتووە پلانێک دابنێیت. ئەمەش بریتیە لە خستنەڕووی ئەو هەنگاوانەی کە بۆ فێرکردنی وانەکە دەیگریتە بەر، پێویست ناکات پلانەکەت ئاڵۆز بێت، زۆر جار باشتر وایە بە سادەیی بیهێڵیتەوە، ئەمە یارمەتیدەر دەبێت بۆ دڵنیابوونەوە لەوەی کە تۆ لەسەر ڕێڕەوی خۆت دەمێنیتەوە و فێرخوازەکانت فێردەبن کە تۆ هەوڵی فێرکردنی چی دەدەیت.
مەشق بکە
یەکزیک لە باشترین ڕێگاکان بۆ باشترکردنی وانەوتنەوە بریتیە لە مەشقکردن، تا زیاتر وانە بڵێیتەوە، باشتر کاریگەر دەبیت، ئەمە بە تایبەتی کاتێک باس لە پلاندانانی وانەکان دەکرێت، تا زیاتر پلان دابنێیت، متمانەت بە تواناکانت زیاتر دەبێت و هەروەها فێر دەبیت کام ستراتیژیەت باشترە بۆ خۆت و فێرخوازەکانت.
نەرمی نواندن
تەنانەت باشترین پلانەکانی فێرکردن هەندێک جار پێویستیان بە گونجاندن هەیە، لەوانەیە فێرخوازان پرسیاریان هەبێت وەک ئەوەی تۆ چاوەڕوانی نەبوویت، ئەگەر پێویستت بە گۆڕانکاری بوو، مەترسە لە ئەنجامدانی.
هەڵسەنگاندن و ڕێکخستن
دوای ئەوەی وانەکەت وتەوە، گرنگە کاتێک بۆ هەڵسەنگاندنی چۆنیەتی دوای وتنەوەی وانەکە تەرخان بکەیت، چۆن بەباشی ڕۆیشت؟ چ شتێک کاریگەریی زۆر نەبوو؟ بۆ جاری داهاتوو چی باشترە بکرێت؟ ئەگەر سەبارەت بە تەواوبوونی وانەکەت دڵخۆش نیت، مەترسە لەوەی پلانەکەت ڕێکبخەیت و شتێک نییە بە ناوی ئەوەی بە تەواوەتی وانەکە بڵێیتەوە، مەترسە لە ئەنجامدانی گۆڕانکاری.
