ناوه‌ڕۆك
ناساندن
ڕۆژووی پێست چییە؟ (بە ئینگلیزی: ?What Is Skin Fasting، بە عەرەبی: ما هو صيام الجلد؟) ئایا دەزانیت ڕێگەدان بە هەناسەدانی پێستت بە ئازادی کلیلی بەدەستهێنانی پێستێکی سروشتی درەوشاوەیە؟ هەندێک جار پێستت پێویستی بە پشوویەک هەیە لە ڕۆتینەکە بۆ پڕکردنەوەی شێوە سروشتییەکەی. ڕۆژوو ئەم کارە ئەنجام دەدات ڕۆژووگرتنی پێست مانای چەمکێکە بۆ پاککردنەوەی پێست بۆ ئەوەی بە شێوەیەکی کاریگەرتر کار بکات و تیشکدانەوەی سروشتی خۆی باشتر بکات.
ڕۆژووی پێست چییە؟
لەم ماوەیەدا ڕۆژووی پێست لە ئینتەرنێتدا چەمکێکی گەورەیە. ئەمە مانای ئەوەیە کە پێست پشوو دەدات لە ڕۆتینی چاودێری پێستی ئاسایی بۆ ئەوەی کاریگەرتر کار بکات. بۆیە واز لە بەکارهێنانی هەر بەرهەمێکی چاودێری پێست دەهێنیت بۆ ماوەی ڕۆژێک یان هەفتەیەک یان مانگێک و ڕێگە بە پێستت دەدەیت کردارە سروشتییەکانی دووبارە بکاتەوە و چاک ببێتەوە. ئەمە کاردەکات بە بەهێزکردنی دیواری پاراستنی پێست کە لەوانەیە بەهۆی بەکارهێنانی بەرهەمەکانی چاودێری پێستەوە لاواز بووبێت، یان بە هۆکاری ترەوە.
زاراوەکە بۆ یەکەم جار لەلایەن مارکەی ژاپۆنی Mirai Clinical داهێنرا، کە ڕۆژووی پێست وەک ڕێگایەک بۆ ئاساییکردنەوەی دەردانی چەوری سروشتی و پشتگیریکردنی پرۆسەی نوێبوونەوەی سروشتی وەسف دەکات. چەمکەکە لە بیرۆکەیەکی نەریتییەوە هاتووە کە ڕێگە بە چاکبوونەوە دەدات. ڕۆژووی پێست بە شێوەیەکی نموونەیی کار دەکات کاتێک واز لە بەکارهێنانی هەر بەرهەمێکی چاودێری پێست بهێنیت یان کەمیبکەیتەوە بۆ ئەوەی پێست خۆی نوێ بکاتەوە. لەگەڵ ئەوەشدا، دڵنیابە لەوەی کە جۆری پێستت دەزانیت پێش ئەوەی بڕیار بە ئەنجامدانی ڕۆژووی پێست بدەیت.
چۆن پێست بەڕۆژوو دەبێت؟
پێست بەڕۆژوو دەبێت بەوەی کە بە تەواوی خۆت بەدووربپارێزیت لە بەرهەمەکانی چاودێری پێست بۆ ماوەی چەند هەفتەیەک یان دەتوانیت هەڵبژێریت کە هیچ بەرهەمێکی چاودێری پێست بەکارنەهێنیت تەنها لە شەودا. بەم شێوەیە دەتوانیت پێستت لە تیشکی زیانبەخشی سەروو وەنەوشەیی بپارێزیت لە کاتی ڕۆژدا بە بەکارهێنانی کرێمی دژە خۆری سووک. ئەگەر دەتەوێت ئەمە تاقی بکەیتەوە، ئەمە چەند ڕێنماییەکە:
- دەست بکە بە شوشتنی دەموچاوت بە تەواوی لە شەودا.
- لەجیاتی ئەوەی هەموو بەرهەمەکان بە یەک جار کەم بکەینەوە، هەفتەی جارێک ئەم کارە بکە. هەوڵبدە هیچ بەرهەمێکی چاودێری پێست بەکارنەهێنیت بۆ ئەوەی پێستت بە ئازادی هەناسە بدات.
- بەیانی دواتر بە ئاوی گەرم دەموچاوت بشۆ. ئەمەش دەبێتە هۆی ئەوەی کە چەورییە سروشتییەکان لەناونەچن.
- دوای ئەوەی ڕێگە بە پێستت دەدەیت بۆ ماوەی شەوێک بەڕۆژوو ببێت، تاقیکردنەوەی کاغەزی شانە لەسەر دەموچاوت تاقی بکەرەوە لە بەیانی دواتردا.
- کاغەزێکی وشک و خاوێن لەسەر دەموچاوت دابنێ. ئەگەر کەغەزەکە دەستبەجێ دابەزێت، پێستێکی وشکت هەیە.
- ئەگەر کاغەزی شانەکە لەسەر دەموچاوت بچەسپێت بەڵام بکەوێت کاتێک کە بجوڵێێت، پێستێکی ئاساییت هەیە. ئامانجی تۆ ئەوەیە کە ئەمە بەدەست بهێنیت.
- ئەگەر لەسەر دەموچاوت بچەسپێت تەنانەت دوای لارکردنەوەی سەرت، ئەمە واتای ئەوەیە کە پێستێکی چەورت هەیە.
- ئەگەر پێستت وشک بوو، پێویستە پێستت شێدار بکەیتەوە. هەروەها ئەگەر پێستێکی چەورت هەبوو، لەوانەیە پێویست بکات شێدارکەرەوەکان لە ڕژێم و پێستت بە خێرایی کەم بکەیتەوە.
ئامۆژگاری، بەردەوامبە لە خواردنەوەی ئاو لەکاتی بەڕۆژوو بوونی پێستدا. ئەمەش یارمەتی پێستت دەدات کە لە ناوەوە شێدار بێت. لەبیرت بێت، شێدارکردنەوە کلیلی پێستێکی تەندروست و درەوشاوەیە.
سوودەکانی ڕۆژووی پێست
بیرۆکەی ڕۆژووی پێست ئەوەیە کە پێستت بە شێوەیەکی سروشتی هەناسە بدات. کاتێک دەستبەرداری بەکارهێنانی بەرهەمەکانی چاودێری پێست دەبیت، پێستت دەتوانێت ڕۆنی سروشتی بەرهەم بهێنێت بۆ ئەوەی نەرم و جیڕ بێت. هەرچەندە هیچ بەڵگەیەکی زانستی لەپشت ئەم تیۆرەوە نییە.
بەڵام بەدڵنیاییەوە ڕۆژووی پێست دەتوانێت سوودت پێ بگەیەنێت ئەگەر زۆر بەرهەم بەکاربهێنیت و دڵنیا نەبیت لەوەی کە هەر بەرهەمێک کاردانەوەی چۆنە بۆ پێست. لەم کاتەدا، گەڕانەوە بۆ دواوە زۆرجار سوودبەخشە. هەروەها ڕۆژووی پێست یارمەتیت دەدات بۆ نوێبوونەوەی پێست ئەگەر کاردانەوەی نەرێنی بۆ هەر بەرهەمێک دەست پێبکات. بۆ نموونە، ئەگەر تۆ ئەزموونی شکاندنی زیپکەت هەیە یان پێستی وشک لە ئەنجامی بەکارهێنانی هەر بەرهەمێکەوە، باشتر وایە هەوڵی ئەنجامدانی ڕۆژووی پێست بدەیت پێش ئەوەی تێکەڵەیەکی دروستی بەرهەمەکان بدۆزیتەوە.
چی بکەین و چی نەکەین لە کاتی ڕۆژووی پێست
- هێشتنەوەی پێست بە شێداری لە ناوەوە و دەرەوە زۆر گرنگە، بەتایبەتی کاتێک پێست بەڕۆژوو دەبیت. ئاوی پێویست بخۆرەوە بۆ ئەوەی لە ناوەوە شێدار بیت.
- دڵنیابە لەوەی ئاستی شێی ژوورەکە گونجاوە، بەتایبەتی ئەگەر لە ناوچەیەکی وشک یان زۆر سارددا دەژیت.
- هەرچەندە هیچ یاسایەکی دیاریکراو نییە لەسەر ئەوەی چەند جار پێویستە ڕۆژووی پێست ئەنجام بدرێت، بەڵام هەفتەی جارێک زیاتر ئەم کارە مەکە.
- بزانە تۆ باشترین دادوەری پێستی خۆتیت. بەردەوام مەبە ئەگەر هەستت بە باشی نەکرد دوای هەوڵی یەکەم.
- ڕۆژووی پێست ئەنجام مەدە ئەگەر چارەسەری پێستت کردووە یان بەم دواییانە پێستت پاککراوەتەوە.
کێ دەتوانێت ڕۆژووی پێست ئەنجام بدات؟
ئەگەر تۆ کەسێکیت کە زۆر لە بەرهەمەکانی چاودێری پێست و ماکیاژ بەکاردەهێنیت، ئەوا ڕۆژووی پێست پێشنیار دەکرێت بۆ ئەوەی پێستت نوێ ببێتەوە. لەگەڵ ئەوەشدا، ئەگەر پێت وایە سیستەمێکی چاودێری پێست بۆ تۆ کار دەکات، ئەوە ئامۆژگاری دەکرێیت کە بەردەوام بیت لە هەمان شت.
سەرکەوتنی ڕۆژووی پێست لە کەسێکەوە بۆ کەسێکی تر جیاوازە. هەموو شتێک پشت دەبەستێت بە جۆری پێست و پێویستیەکانی پێستی کەسەکە. خۆت بەدوور بگرە لە ڕۆژوو گرتنی پێست ئەگەر پێستت زۆر وشک بوو. ئەگەر پێستێکی مامناوەند وشکت هەیە، ڕۆژووی پێست درەنگ درەنگ ئەنجامبدە. هەروەها ئەگەر پێستێکی کەم وشکت هەیە، ئەوە باشە کە لە کاتی مانسوون یاخود وەرزی با بەڕۆژووبوونی پێست ئەنجامبدەیت چونکە لەو کاتەدا کەش و هەوا شێدارە.
چەند کاتی دەوێت تا پێستت پاک دەبێتەوە؟
زەحمەتە بزانرێت ماوەی چەند دەخایەنێت بۆ پاککردنەوەی پێست، چونکە پشت دەبەستێت بە جۆری تاکەکەسی پێست و ژمارەی ئەو بەرهەمانەی پێست و میکیاج کە ڕۆژانە بەکاریدەهێنیت.
چەند جار دەتوانیت بەڕۆژووبوونی پێست ئەنجام بدەیت؟
لە کاتێکدا هیچ یاسایەکی قورس و خێرا نییە بۆ ئەنجامدانی ڕۆژووی پێست، بەڵام ڕێژەکە پشت دەبەستێت بەوەی کە چەند گونجاویت لەگەڵ ڕژێمی چاودێری پێست. بۆ نموونە، دەتوانیت لە ماوەی دوو مانگدا جارێک پاککردەوەی پێست لە ڕۆژووی پێستەوە ئەنجامبدەیت کاتێک زۆر بەرهەمی چاودێری پێست بەکارناهێنیت.
ئەگەر بە بەردەوامی بەکارهێنانی سیرەم، ڕووناککردنەوەی پێست و کرێمی دژە پیربوون یان زۆر میکیاج دەکەیت، پاککردەوەی پێست لە ڕۆژووی پێستەوە جارێک لە مانگێکدا باشترە. هەروەها ئەگەر پێستێکی هەستیار، چەور، ماندوو یان زۆر وشکت هەیە، پاککردنەوەی پێستت سنووردار بکە بۆ یەک جار لە دوو هەفتەدا. پێویستە نیشانەکانی پێستت بخوێنیتەوە بۆ ئەوەی بزانیت چی گونجاوە بۆت. لەبیرت بێت، دەتوانیت بە تەواوی ڕۆژووی پێست ئەنجامبدەیت یان لەگەڵ ڕۆژووی پێست لە زۆربەی بەرهەمەکان هێشتا دەتونیت بەردەوامبیت لە بەرهەمێکی شێدارکەرەوەی سووک و ئاو.
لەبیرت بێت، ڕۆژووی پێست وەک پشوویەک وایە بۆ پێست. ئەمە مانای ئەوە نییە کە بەکارهێنانی بەرهەمەکانی پێست یان ڕاهێنانی ڕژێمی چاودێری پێست زیان بە پێست دەگەیەنن. ڕۆژووی پێست کاتی پشوودان بە پێست دەدات و ڕێگەی پێدەدات نوێ ببێتەوە پێش ئەوەی بتوانیت بگەڕێیتەوە بۆ بەرهەمە ئاساییەکانی چاودێری پێست. لەگەڵ ئەوەشدا، قسە لەگەڵ پزیشکی پێست بکە بۆ ئەوەی تێبگەیت کە ئایا دەتوانیت دەست بکەیت بە ڕۆژووبوونی پێست یاخود نا، بەتایبەتی ئەگەر هەندێک دەرمان یان حاڵەتی دیاریکراوی تەندروستی بە گشتی و پێستت بە تایبەتی هەیە.
