ناوه‌ڕۆك
ناساندن
سوودەکانی ژیان لە لادێکان (بە عەرەبی: مميزات العيش في الريف، بە ئینگلیزی: Advantages of living in the countryside)، لادێ شوێنێکی ئارامە بۆ ژیان، کە هەمیشە دەتوانیت چێژ لە سروشت و هەوای پاک وەربگریت، دوور لە ژاوەژاو و سترێس و پیسبوونی شارەکان، هەروەها هەبوونی خواردنی تەندروست، ئەمەش وای لێدەکات ببێتە شوێنێکی سەلامەت بەتایبەت بۆ منداڵان، لەلایەکی ترەوە ڕەنگە هەندێک جار ژیانی لادێکان بێزارکەر بێت، بەهۆی نەبوونی هەندێک ئامرازی کات بەسەربردن وەک شوێنی بازاڕکردنی گەورە لە وەرزی زستاندا، هەبوونی کێشەی گواستنەوە، بە تایبەت خوێندکاران، بەهۆی نەبوونی ژێرخانی دروست لە هەندێک شوێن.
سوودەکانی ژیان لە لادێ چییە؟
تایبەتمەندی ژیانی لادێکان زۆرن کە دیارترینیان بریتین لە:
١-تایبەتمەندی لە ژیاندا: ئەم تایبەتمەندییە بۆ ئەو کەسانە باشە کە حەز بە تێکەڵبوون لەگەڵ خەڵک ناکەن،چونکە لادێ ڕێگە دەدات ماڵەکان لە یەکتر دوور بن، ئەمە جگە لەوەی کە لادێ ناوچەیەکی دوورەدەستە.
٢-کەمی پیسبوون: لادێکان بە نەبوونی پیسکەری ژەهراوی دەناسرێتەوە وەک ئەوەی لە شارەکاندا هەیە، بەهۆی نەبوونی قەرەباڵغی هاتوچۆ یان دوکەڵێک کە لە کارگەکانەوە دەردەچێت، سەبارەت بە خۆراک لە لادێکان، ئەوە بەندە بە کشتوکاڵ و ئاژەڵداری کە ڕوودەدات لە لادێدا بەبێ پیسبوون.
٣-فەزای گەورە: ژیان لە لادێدا شوێنی گونجاو دابین دەکات کە یارمەتیدەرە لە دروستکردنی خانوو، هەروەها ژیان لە لادێ یارمەتیدەرە بۆ چێژوەرگرتن لە دیمەنە سروشتییەکانی وەک شاخ و دەریاچە و لەوەڕگەی سەوز.
٤-چالاکییەکانی دەرەوە: لە لادێکاندا دەتوانیت چێژ لە چالاکییەکانی دەرەوە وەربگریت بەبێ ئەوەی پێویستت بە گەشتکردن بێت بۆ شوێنێکی تر ئەو چالاکییانەی کە دەتوانرێت لە لادێدا ئەنجام بدرێت بریتین لە پیاسەکردن، سەرکەوتن بەسەر شاخ، کەمپکردن، پاسکیلسواری و ڕاوکردن.
جیاوازی ژیان لە لادێ و شار
بڕیاری ژیان لە شار یان لادێدا دەبێت لە هەموو ڕوویەکەوە لێکۆڵینەوەی لەسەر بکرێت و زۆر هۆکاریش لەبەرچاو بگیرێت، لێرەدا هەندێک لە بەراوردکارییەکانی ژیان لە شار و لادێدا دەخەینەڕوو:
١-بێدەنگی: ئاستی ژاوەژاو کەم دەبێتەوە تا زیاتر لە شارەکان دوور بکەونەوە، ئەو کەسانەی لە لادێکانەوە دەچنە شار لەوانەیە ڕووبەڕووی سەختی ببنەوە لەم کارەدا، بە تایبەت کە لادێکان بە ئارامی تایبەتمەندن، بە پێچەوانەی شار کە ژاوەژاو ئاساییە.
٢-تێچووی خانوو: تێچووی خانوو لە شارەکان زیاترە لە لادێکان، تەنانەت ئەم تێچوونە تا زیاتر لە شارەکان نزیک ببینەوە زیاد دەکات، بەڵام لە کاتی کڕینی خانوو لە لادێدا مرۆڤ دەبێت خەرجییەکانی دیکە لەبەرچاو بگرێت کە بۆ گواستنەوە بۆ شوێنی کار و بازاڕکردن خەرج دەکرێت.
٣-کوالیتی ژیان: ژیان لە شارەکەدا لە هەموو کاتەکانی ڕۆژدا قەرەباڵغە، ئەمەش وا دەکات گواستنەوە بۆ لادێکان سوودی تەندروستی هەبێت و ڕەنگدانەوەیەک بێت لەسەر کوالیتی ژیان لە لادێکاندا ڕووبەری سەوزای فراوان هەیە هەرچەندە باخچە لە شارەکانیشدا بوونیان هەیە، بەڵام فەزای هاوشێوەی لادێکان نین ، کە تایبەتمەندن بە شوێنی فراوان کە گونجاوە بۆ ڕۆیشتن.
٤-سەر بە کۆمەڵگا: ژمارەیەکی زۆر لە خەڵک لە شارەکاندا دەژین، ئەمەش دەبێتە هۆی فشار و قەرەباڵغی، هەروەها ژیان تووشی نائارامی دەکات، بە پێچەوانەی لادێکانەوە، کە ئاسانە بۆ ناسینی دراوسێکان و شوێنە بازرگانی و کات بەسەربردنەکان، کە هەستکردن بە سەربەخۆیی کۆمەڵگا دروست دەکات، و سوودەکەی ڕەنگدانەوەی دەبێت کاتێک باس لە سەقامگیری دەکرێت.
٥-سەلامەتی: ژیان لە لادێ سەلامەتترە، ڕێژەی تاوان لە لادێکان بە بەراورد بە شارەکان کەمە و ئەمەش بۆ کەمی ژمارەی دانیشتوان دەگەڕێتەوە.
