ناوه‌ڕۆك
نیشانە‌كانی كە‌م خوێنی و چارە‌سە‌ركردنیان
نیشانە‌كانی كە‌م خوێنی جیاوازن و بە‌پێی ھۆكاری توشبوونە‌كە‌ی لە جۆرێكە‌وە بۆ جۆرێكی تر دە‌گۆڕدرێت. ھۆكارە‌كانی توشبوون بە كمخوێنی زۆرن، دە‌كرێت بە‌ھۆی كە‌می كانزایە‌ك یان ڤیتامینێكە‌وە بێت، یاخود خوێنبە‌ربوون و ھە‌ندێ نەخۆشی تر. گە‌ر یە‌كێك لە‌م نیشانانە یان زیاتر لە خۆتدا بە‌دیكرد، ئە‌وا پێویستە سە‌ردانی پزیشك بكە‌یت بۆئە‌‌نجامدانی پشكنینی زیاتر و چارە‌سە‌ركردنی كە‌م خوێنیە‌كە‌ت.
لە‌نێوان گشت جۆرە جیاوازە‌كانی كە‌م خوێنیدا كۆمە‌ڵێك نیشانەی ھاوبە‌ش ھە‌ن لە‌وانە:
- شە‌كە‌تی ماسولكە‌كان و كە‌می وزە و چالاكی.
- ناڕێك لێدانی دڵ، بە‌تایبە‌ت لە‌كاتی وە‌رزشكردندا.
- تە‌نگە‌نە‌فە‌سی و سە‌رئێشە، بە‌تایبە‌ت لە‌كاتی وە‌رزشكردندا.
- كە‌مبوونە‌وە‌ی توانای تە‌ركیز كردن.
- گێژبوون.
- زە‌ردبوونی پێست.
- كە‌مخە‌وی.
لە‌پاڵ ئە‌م نیشانە گشتیانە‌شادا، ھە‌ریە‌كێك لە جۆرە جیاوازە‌كانی كە‌مخوێنی نیشانەی تایبە‌تی خۆی ھە‌یە كە دە‌كرێت بە‌كاربھێنرێت بۆ دە‌ستنیشانكردنی چارە‌سە‌رە‌كی.
جۆرە جیاوازە‌كانی كە‌مخوێنی
كە‌مخوێنی بە‌ھۆی كە‌می كانزای ئاسن.
نیشانە‌كانی بریتین لە:
١- ھە‌بوونی برین و درز و برژانە‌وە‌ی ناو دە‌م.
٢-نوشتانە‌وە‌ی نینۆك بە‌رە‌و سە‌رە‌وە.
٣- حە‌زكردن بە‌خواردنی ھە‌ندێ شتی سە‌یر وە‌ك (سە‌ھۆڵ، پیسی و خۆڵ، پە‌ڕە).
كە‌مخوێنی بە‌ھۆی كە‌می ڤیتامین B12
نیشانە‌كانی ئە‌م كە‌مخوێنیە بریتین لە:
١- مێرولە كردن و سڕبوون لە دە‌ست و قاچدا.
٢- كە‌مبوونە‌وە‌ی ھە‌ستی دە‌ستلێدان لە شتە‌كانی دە‌وروبە‌ر.
٣- ناڕێكی لە‌كاتی ڕۆیشتن.
٤- لە‌بیرچوونە‌وە.
٥- ڕە‌قبوونی قۆڵ و ڕان.
كە‌مخوێنی بە‌ھۆی ژە‌ھراوی بوون بە كانزای قوڕقوشم
نیشانە‌كانی ئە‌م كە‌مخوێنییە بریتییە لە:
١- ھە‌بوونی ھێڵێكی ڕە‌ش و شین لە‌سە‌ر پوك.
٢- قە‌بزبوون.
٣- ڕشانە‌وە.
٤- ھە‌بوونی ئازار لە سكدا.
كە‌مخوێنی بە‌ھۆی لە‌ناوچوونی خڕۆكە سوورە‌كانی خوێنە‌وە.
ئە‌م كە‌مخوێنیە كاتێك ڕوودە‌دات كە خڕۆكە سوورە‌كانی بە‌ھۆی ھە‌ندێك نەخۆشی و ھۆكاری تایبە‌تە‌وە تووشی مردن دێن.
نیشانە‌كانی ئە‌م كە‌مخوێنییە‌ش بریتین لە:
١- زە‌ردووی.
٢-ھە‌بوونی میزێكی قاوە‌ی یان سوور.
٣- ھە‌بوونی برین لە قاچدا.
٤- ھە‌بوونی نیشانە‌كانی بە‌ردی زراو.
٥- گە‌شە‌نە‌كردنی منداڵ.
