ناوه‌ڕۆك
سەرەتا
دابەزاندنی کێش بە یەکێک لە باوترین و گرنگترین میکانیزمەکان دادەنرێت کە خەڵک لە جیهاندا بەشێوەی جیاواز ئەنجامی دەدەن، دیارترینیان پەیڕەوکردنی سیستمی خۆراکی پڕ پڕۆتین و کاربۆهیدراتە، بەڵام ئایا کامیان پەیڕەو بکڕێت بۆ کەمکردنەوەی کێشی جەستە بەسوودە؟
پڕۆتین و کاربۆهیدرات چۆن کار دەکەن؟
ماسی و گۆشت و شیرەمەنی و گوێز و دانەوێڵە هەموویان سەرچاوەی پرۆتین و ماددە خۆراکییە گرنگەکانی ترن بەوپێیەی پێویستن بۆ بەهێزکردنی ماسولکە و ئێسکەکان و ڕێکخستنی هۆرمۆنەکان و بەرگری جەستە.
کاربۆهیدراتەکان وەکوو نان و فاسۆلیا و گەنمەشامی وزە دەبەخشن، هەروەها یارمەتیدەرن لە پاراستنی وریایی و بەرگەگرتنی جەستە، ئەوان وەک سووتەمەنی دادەنرێن، وزەی پێویست بۆ جەستە دابین دەکەن، مێشکمان بەتایبەتی پێویستی بە کاربۆهیدرات هەیە بۆ ئەوەی یارمەتی پاراستنی وریایی و سەرنجدان بدات، بۆ ئەوانەی کە خۆیان بەچالاکیی جەستەیی بەرز وەکوو وەرزشەوە سەرقاڵ دەکەن، کاربۆهیدرات ڕۆڵێکی گرنگ دەگێڕێت لە باشتر کردنی توانای وەرزش کردن.
کامیان بۆ کێش کەمکردنەوە باشترن؟
- پڕۆتین کالۆری زیاتر دەسوتێنێت وەک لە کاربۆهیدرات.
- پڕۆتین ماوەیەکی زیاتر بە تێری دەتهێڵێتەوە و حەزی خواردنە خراپ و خێراکانت کەمدەکاتەوە.
- پڕۆتین حەزی خواردن ڕێکدەخات.
- پڕۆتین تێکچوونەکانی میتابلۆیزم (چووستی) کەمدەکاتەوە وەک بەرزبوونەوەی ئاستی شەکری خوێن بەتایبەت دوای تووشبوون بە نەخۆشی شەکرە.
بەپیێ زانیارییە تەندروستییەکان پەیڕەوکردنی کە سیستمێکی خۆراکی پڕ پڕۆتین دەتوانێت زیاتر لە دروستکردن و گەورە کردنی قەبارەی ماسولکە کێشی جەستە کەمبکاتەوە.
