زەیتون

زەیتون

له‌لایه‌ن: ڕێزدار ئەحمەد - به‌روار: 2021-04-18-04:56:00 - کۆدی بابەت: 4611
زەیتون

ناوه‌ڕۆك

مێژوو و سەرچاوەی زەیتون

ئاسیا، سوریا، لوبنان، فەلەستێن و ئەردەن، دەورووبەری دەریای سپی ناوەڕاست وەک تورکیا و ئیسپانیا، هەروەها لە پیرۆ و شیلی و خوارووی ئوسترالیاش هەیە، زەیتوون شوێنێکی بەرزی هەیە لە ناو گەلانی جیهان، پێغەمبەر موسا سەلامی خودای لێبێت ئەوانەی لە چاندنی زەیتون کاریان دەکرد نەیبردن بۆ بەرەکانی جەنگ، لە نووسینە کۆنەکانیش زەیتون نیشانەی پاکی و بەرزی بووە، نیشانەی ئاشتی و خۆشییە، جگە لە بەکارهێنانی وەک خواردنی، زەیتی زەیتون بەکاردەهات بۆ قەندیل و چرای شوێنەکانی خوداپەرستی، نیشانەی سەرکەوتنیش بوو چونکە پاڵەوانەکانی یاریەکان لقی زەیتونیان بەرز دەکردەوە کاتی سەرکەوتن، پەیکەری خوداکانی کۆنیش هەندێکیان لەسەر تەختەی دار زەیتون هەڵدەکەندرا لەبەر پیرۆزی.

داری زەیتون بەردەوام سەوزە، هەندێکیان زۆر گەورەن بەتایبەتی ئەوانەی لە ئیسپانیا دەڕوێن، گەورەترین ووڵات لە بەرهەم هێنانی زەیتون بریتییە لە ئیتاڵیا چونکە ساڵانە ٣٣ ملیۆن گاڵۆن ڕۆنی زەیتون بەرهەم دەهێنێت، داری زەیتوون پاش دوو ساڵ بەروبوومی دەبێت، لە ساڵی شەشەمەوە داری زەیتوون ئەو خەرجییەی لێ کراوە دێتەوە دەستی خاوەنەکەی ڕۆنی زەیتون دەکرێت بە سابون دوای تێکەڵ کردنی لەگەڵ هایدرۆکسیدی سۆدیۆم.

پێکهاتەی زەیتون

  1. بەشە بەکارهاتووەکانی ڕۆنی زەیتون و گەڵاکانی و توێکڵی دارەکەیەتی، زەیتوونی ڕەش بڕی خۆراکی زیاتر تێدایە لە زەیتوونی سەوز.
  2. زەیتون ترشی بانزویکی و ئۆلیڤیل و شەکری مانایتی تێدایە.
  3. ڕۆنی زەیتونیش هەندێک بلوراتی ترایپالمیتین و ترایۆلین و ماددەی ئەشیدیک ئیسترایس و ترشی ئۆلیکی ئازاد تێدایە.
  4. کانزای کالیسیۆم و خەمیرە و ڤیتامینەکانی (ئەی، ئی، بی١، بی٢، بی١٢).
  5. گەڵای زەیتون ترسی ئۆلیرۆپینی تێدایە کە بکوژێکی بەهێزی بەکتریا و ڤایرۆس و کەڕووە.

سوودەکان و بەکارهێنانی زەیتون

  1. گەڵای زەیتون وەک پاککەرەوە و دابەزێنەری پلەی گەرمی بەکاردێت، بەهەمان شێوەی توێکڵی دارەکەی.
  2. چونکە ترشی دیرۆپینی تێدایە بۆیە بەکاردێت بۆ کوشتنی جۆرەها بەکتریا و کەڕوو و ڤایرۆس بە گوێرەی ڕاپۆرتی تەندروستی کە دکتۆر (پریڤاتیرا-R.James Privatera) پێشکەشی کردووە، بەتایبەتی ڤایرۆسی (Epstein Barr Virus)
  3. بۆ چارەسەری نەخۆشی بێ هێزی درێژخایەن.
  4. بۆ چارەسەری تامیسکەی سووک و گڕە سوورە.
  5. دەزگای بەرگری لەش بەهێز دەکات بۆیە بەکاردێت بۆ نەخۆشی ئایدز (AIDS).
  6. ماندووبوون و شەکەتی و لاوازی ئەو نەخۆشانە کەم دەکاتەوە وەک شێرپەنجە و ئایدز بەهۆی زیادکردنی بەرگری لەش و کەم کردنەوەی زۆربوونی ڤایرۆسەکان و بەکتریا.
  7. نەخۆشییەکانی سەرما و هەڵامەت و ئەنفلۆنزا.
  8. کەم کردنەوەی ڕێژەی کۆلیسترۆڵ و دابەزینی پەستانی خوێن.
  9. گەڵای کوڵاو بەسوودە بۆ دابەزینی شەکری خوێن.


سەرچاوەکان

202 بینین