ناوه‌ڕۆك
ناساندن
بیرۆکەی دیاریی دەرچوون بۆ کچان (بە ئینگلیزی: Graduation Gift Ideas for Girls، بە عەرەبی: أفكار هدايا التخرج للفتيات) تەواوکردنی خوێندن یان دەرچوون بۆ قۆناغێکی تر بە دەستکەوتێکی بەرهەمدار و دیار دادەنرێت نەک تەنها بۆ دەرچووان بەڵکو بۆ خێزان و هاوڕێکانیان. پێشکەشکردنی دیاریی تایبەت شتێکی باوە بۆ بەرز نرخاندنی دەستکەوت و هەوڵ و ماندووبوونەکان و بۆ دەربڕینی ئەوەی کە کەسانی دەوروبەر چەندە شانازی پێوە دەکەن.
چەند بیرۆکەیەکی دیاری جۆراوجۆر
- نەخشەی یادگاری زانکۆ یان قوتابخانەکەی: ئەمە دیارییەکی تایبەتە و یادی ئەو ساڵانە دەکاتەوە کە کەسەکە لە خوێندنەکەی بەسەری بردووە، وەکوو یادەوەرییەک بۆ کاتێکی زۆر لای دەمێنێتەوە.
- گوڵ: هەر جۆرێکی چەپکە گوڵ بێت وەک گوڵەبەڕۆژەی کلاسیک یان لیلی سپی یان هەر جۆر و ڕەنگێک بەپێی ئارەزووی خۆت هەڵبژێریت وەکوو ئاماژەیەک بۆ ئەوەی کە شانازی پێوەدەکەیت.
- کاتژمێر: یەکێکە لەو دیارییە کلاسیکانەی کە باوە و زۆر بەکاردێت.
- کتێب: باشتر دەبێت ئەگەر کتێبێکی تایبەت بێت بۆ ڕێنماییکردنی کەسەکە لەکاتی هەنگاونان بۆ قۆناغی پیشەیی ژیانی و نوێکردنەوەی تەماحەکەی و یەکێک بێت لە هۆکارەکانی بەردەوامبوونی لە فێربوون، جگە لەوەی ڕێگەیەکی باشە بۆ بەسەربردنی کاتە بەتاڵەکانی.
- جانتا: جانتا ئێکسسواراتێکی جوانە بۆ دیاری و دەکرێت جانتایەکی فەرمی بێت یان هەر جانتایەکی بەکارهێنانی ڕۆژانە.
بەرهەمەکانی گرنگیدان بە پێست: یەکێکە لە دیارییە دڵخوازەکان بۆ هەموو کچان، دەتوانیت سندوقێک لە کۆمەڵێک بەرهەمی جۆراوجۆری جوانکاری و چاودێری پێست بڕازێنیتەوە. - زێر: ئەگەر ویستت دیارییەکەت گرانبەهاتر دەربکەوێت، دەتوانیت پارچە زێڕێک هەڵبژێریت.
- کتێبی چێشتلێنان: دوای تەواوکردنی خوێندن، زۆرێک لە کچان زانیاری زۆریان لەسەر چێشت لێنان نییە، بۆیە دەتوانن کتێبێکی چێشتلێنان هەڵبژێرن کە کۆمەڵێک ڕێچکەی بەسوود و ئاسان بۆ بەکارهێنان پیشان بدات.
- ئامێری دروستکردنی قاوە: ئەگەر کەسەکە حەزی بە قاوە بێت، دەتوانرێت دیارییەکی مۆدێرن پێشکەشی بکرێت، کە بریتییە لە ئامێری قاوە و کوپێک.
- وێنەیەکی یادگاری: دەتوانرێت وێنەی خۆی و هاوپۆلەکانی و ئەو ڕۆژانەی کە لە کاتی خوێندندا بەسەریان بردووە کۆبکرێتەوە و چاپیان بکەیت و بە شێوەیەکی جوان لەسەر چوارچێوەیەکی گەورەی وێنەیی لێبدەیت یان لە ئەلبومێکدا کۆیانبکەیتەوە. بۆ دۆزینەوەی ئەم وێنانە، دەتوانیت لە ڕێگەی سۆشیال میدیاوە بگەڕێیت؛ یان داوای یارمەتی لە هاوپۆلەکانی بکەیت.
- تابلۆ: تابلۆیەکی دڵخوازی یان هەر تابلۆیەک کە پەیوەندی بە بوارەکەیەوە هەبێت.
جانتایەک کە کۆمەڵێک دیاری جۆراوجۆری تێدایە: جانتایەکی گونجاو هەڵبژێرە کە هەندێک پێداویستی زانکۆی تێدابێت، یان ساڵی خوێندنی داهاتوو، یان دەکرێت هەندێک یادگاری زانکۆی تێدابێت وەک تیشێرت یان کوپی قاوە. - کۆمپیوتەر: دیارییەکی زۆر گونجاوە بۆ کەسێک کە خوێندن تەواو دەکات، ئەگەر کەسەکە بیەوێت دوای خوێندن دەست بە کارکردن بکات بێگومان پێویستی پێی دەبێت.
- شیرینی: ئەمیش دیارییەکی باوی دەرچوونە، زۆر جۆری شیرینی هەیە و لە زۆر شوێنیش سێتی شیرینی تایبەت بە دەرچوون بە ئامادەکراوی هەیە. هەروەها دەتوانیت خۆت سەبەتەیەک شوکولاتە کە بە شێوەیەکی تایبەت بپێچیتەوە.
- بۆن: سێتی کۆمەڵێک بۆنی جیاوازی دڵخوازی کەسەکە.
- پێڵاو: زۆر جۆر پێڵاو هەیە، دەتوانیت پێڵاوێکی فەرمی بۆ هەڵبژێریت یان پێڵاوی وەرزشی شیک.
- پلاندانەرێکی ڕۆژانە بۆ چالاکیی و ئەرکەکانی ڕۆژانە.
- چاویلکەی خۆر.
- هێدسێتی بلوتوزی بێ وایەر.
- کۆرسی فێربوون: تەواوکردنی خوێندن کۆتا قۆناغی فێربوون نییە و زۆر کەس دەیانەوێت لە ڕێگەی جیاوازی ترەوە درێژە بە خوێندن و فێربوونەکانیان بدەن، کردنی کۆرسێک بە دیاری بیرۆکەیەکی جوانە بەتایبەتی ئەگەر لە بوارەکەی خۆیدا بێت.
ئامۆژگاری لە کاتی کڕینی دیاری
لە کاتی کڕینی دیاریدا چەند شتێک هەیە کە دەبێت لەبەرچاو بگیرێت، گرنگترینیان ئەم بابەتە و ئامۆژگارییانەن:
- پێش کڕین و هەڵبژاردنی پێشوەختە پلاندانان بۆ بودجەی تەرخانکراو بۆ دیارییەکە.
- گرنگی بە هەڵبژاردن و پێشکەشکردنی دیاری دەستکرد بدە، چونکە بە وریاییەوە هەڵدەبژێردرێن و تایبەتتر دەردەکەون.
- زوو دەست بە بازاڕکردن بکە، بۆ ئەوەی کاتێکی تەواو بدەیت بە خۆت بۆ گەڕان بەدوای دیارییەکی تەواو و گونجاو بۆ کەسەکە.
- بازاڕکردن بە شێوەی ئۆنلاین، ئەمە دەتوانێت یارمەتیت بدات لە دیاریکردن و مانەوەت لە چوارچێوەی بودجەی تەرخانکراوتدا، بۆ ئەو کەسانە باشە کە کاتی بازارکردنیان نییە.
- دڵنیابە لە هەڵبژاردنی دیارییەک کە کوالیتی بەرزی هەبێت و سوودی بۆ کەسەکە هەبێت بە بەکارهێنانی. مەرج نییە دیاری گران کوالێتی باش بێت. بەشێوەیەکی گشتی دیاری بە شێوەیەکی جوان پێشکەشدەکرێت و دەڕازێنرێتەوە، بۆیە گرنگی بەوە بدە لە زۆربەی شوێنەکان کە شتێک دەکڕیت خۆیان پێچانەوەی تایبەت بە دیارییان هەیە، یان دەتوانیت خۆت بیپێچیتەوە.
سەرچاوەکان
119 بینین
