ناوه‌ڕۆك
ناساندن
چەند ڕێگایەک بۆ چارەسەرکردنی زیپکەکانی پێستی وشک (بە ئینگلیزی: Ways to Help Treat Acne When You Also Have Dry Skin، بە عەرەبی: طرق للمساعدة في علاج حب الشباب لدی البشرة الجافة)، زیپکە نەخۆشییەکی باوی پێستە کە زۆرجار پەیوەندی بە پێستی چەورەوە هەیە، پێستی وشک لەوانەیە قورستر بێت بۆ گرنگیپدان چونکە زۆرێک لە بەرهەمەکان بۆ لابردنی زیپکە پێست وشک دەکەنەوە. بەڵام لەگەڵ ڕۆتینی چاودێری پێستی گونجاو، گرنگیدان بە پێستی وشک دەکرێت کێشەکە چارەسەر بکات.
چەند ڕێگایەک بۆ چارەسەرکردنی زیپکەی پێستی وشک
١- خۆت بەدوور بگرە لەو بەرهەمانەی کە پێکهاتەی وشککردنەوەی تێدایە
کحول و ئەسیتۆن دوو پێکهاتەی باون لە بەرهەمەکانی دژە زیپکە، بەڵام ئەم بەرهەمانە دەتوانن شێداری پێست کەمبکەنەوە کە وادەکەن پێستەکە وشک ببێتەوە. بیر لە بەکارهێنانی ئەو بەرهەمانە بکەرەوە کە ترشی سالیسیلیک و زەیتی درەختی چا و نیاسینامیدیان تێدایە، کە دەکرێت کاریگەر بێت لە چارەسەرکردنی زیپکە بەبێ ئەوەی ببێتە هۆی وشکبوونی زۆری پێستەکە.
٢- شێدارکردنەوە
شێدارکردنەوە زۆر گرنگە بۆ پێستی وشک هەروەها گرنگە لە کاتی چارەسەرکردنی زیپکە. بەکارهێنانی شێدارکەرەوەی ڕۆژانە دەتوانێت یارمەتی پێست بدات بۆ شێدارکردنەوەی. ئەو شێدارکەرەوەیەی کە پێکهاتەی پۆر-کلۆگی تێدا نییە بۆ پێستی وشک گونجاوە. خۆت بەدوور بگرە لە:
•لانۆلین
•زەیتی گوێزی هندی
•زەیتی کانزایی
•بەرهەمە ڕاستەکان هەڵبژێرە
٣- هەڵبژاردنی سکرابی تەندروست
بەکارهێنانی سکرابێکی توند دەتوانێت پێستە وشکەکەت زیاتر وشک بکات و زیپکەکانت خراپتر بکات لە جێگای سکراب، هەڵبژاردەیەکی نەرم هەڵبژێرە، وەک سەرچاوەیەکی کیمیایی کە ترشی ئەلفا هایدرۆکسی تێدایە یان سەرچاوەی ترشی هایدرۆکسی بێتا. ئەم پێکهاتەیە دەتوانێت یارمەتیدەر بێت بۆ لابردنی خانە مردووەکانی پێست و بەهێزکردنی ئاڵوگۆڕی خانەکان بەبێ ئەوەی پێستت شێداربوونی لەدەست بدات.
٤- وەستاندنی زۆر شوشتن
پاککردنەوە هەنگاوێکی گرنگە لە هەموو ڕۆتینێکی چاودێری پێستدا، شوشتن یارمەتی لابردنی بەکتریا دەدات بەڵام زۆر شوشتن دەتوانێت ببێتە هۆی وشکبوون. ئەو بەرهەمانە ڕەچاو بکە کە پێکهاتەی تێدایە وەک ترشی هایلۆرۆنیک، کە دەتوانێت یارمەتی شێدارکردنی پێستت بدات.
٥- زۆر ئاو بخۆرەوە
خواردنەوەی ئاوی زۆر دەتوانێت یارمەتی پێستت بدات لە ناوەوە بۆ دەرەوە شێدار بێت، کە لەوانەیە بەتایبەتی سوودبەخش بێت کاتێک پێستت وشکە. توێژینەوەیەکی ساڵی ٢٠١٨ دەریخستووە کە زیادکردنی بەکارهێنانی شلە دەتوانێت یارمەتی کەمکردنەوەی وشکبوونی پێست بدات.
٦- بەکارهێنانی دژە خۆر
ئەگەر لە ماڵەوە یان لە دەرەوە بیت ئەگەر پێستێکی وشک یان چەورت هەبێت، هەرگیز واز لە کرێمی دژەخۆر مەهێنە چونکە گەر دەتەوێت چارەسەری زیپکەکانت بکەیت باشتر وایە ئاگاداری کرێمی خۆر بیت. کاتێک کرێمی خۆر بەکاردەهێنیت کە پێکهاتەی دۆستی پێستی تێدایە وەک نیاسینامید و پانتێنۆل و ڤیتامین E، یارمەتیدەر دەبێت لە بەهێزکردنی دیواری پێست و پاراستنی.
٧- بەکارهێنانی ڕێتینۆل
ڕێتینۆل چەکێکی نهێنییە بۆ پاککردنەوەی کونە داخراوەکان و لابردنی خانە مردووەکانی پێست. ئەگەر دوودڵ بوویت لە تاقیکردنەوەی ڕێتینۆل دەست پێبکە بە سیرەمێک کە چڕبوونەوەیەکی کەمتری ڕێتینۆڵی هەیە وەک دژە پیربوون کە بە فۆکستاڵ ناسراوە کە ڕێژەی ١٥٪ ڕێتینۆڵی تێدایە و ناسراوە بەوەی نیشانەکانی پیربوون ٢ جار خێراتر چارەسەر دەکات بە بەراورد بە سێرۆمەکانی تری ڕێتینۆل.
