ناوه‌ڕۆك
ناساندن
چۆن ئاگاداری جەستەت بیت لە تەمەنی پێگەشتندا (بە ئینگلیزی: How to take care of your body in your adult age، بە عەرەبی: كيف تعتني بجسمك في سن البلوغ) تەمەنی باڵغبوون بە هەندێک گۆڕانکاری دەروونی و کۆمەڵایەتی و جەستەیی پێناسە دەکرێت کە لە ئەنجامی دەردانی هۆرمۆنە سێکسییەکان لە ڕژێنی هێلکەدان ڕوودەدەن. بەزۆری لەم قۆناغەدا مرۆڤ ئارەزووی سەربەخۆیی بوونی هەیە لە خێزانەکەی و زۆربەی کاتەکانی لەگەڵ هاوڕیکانی بەسەر دەبات.
چۆن ئاگاداری جەستەت بیت لە تەمەنی پێگەشتندا
- دوور بکەوەرەوە لە خواردنی ئەو خۆراکانەی کە ڕێژەیەکی زۆر چەوری تێریان تێدایە، هەروەها دڵنیابە لە پەیڕەوکردنی ڕێجیمێکی هاوسەنگ کە سەوزە و میوەی تێدایە، هەروەها کەمکردنەوەی خواردنی شیرینییەکان و شوکولاتە، ئەو خۆراکانە بخۆ کە ڕێژەیەکی بەرزی ئۆمیگا ٣یان تێدایە، بەمەبەستی پاراستنی پێست و قژ، هەروەها ڕێگریکردن لە دەرکەوتنی زیپکە لەسەر ڕوخسار.
- پاراستنی پاکوخاوێنی کەسی، بە گەرماو کردنی ڕۆژانە بۆ ئەوەی بۆنی ئارەقەت نەبێت، هەروەها گۆڕینی جل و بەرگ بە شێوەیەکی ڕۆژانە، دڵنیابوون لە بەکارهێنانی بۆنخۆشکەر.
- وەرزشکردنی ڕۆژانە، بەو پێیەی ماسولکەکانی لەش بەهێز دەکات، ئەمە جگە لەوەی دڵەڕاوکێ و فشاری دەروونی کەمدەکاتەوە.
- ڕۆژانە پێست شێدار بکە، بۆ ئەوەی زیپکە دەرنەکەوێت.
- دوور بکەوەرەوە لە خواردنەوە گازییەکان، کە ڕێژەیەکی زۆر کافاینیان تێدایە، ئەمەش بەهۆی بوونی کاریگەری خراپی لەسەر جەستە. مرۆڤ پێویستی بە خواردنەوەیەکی زۆر شیر و وەرگیراوەکانی و شەربەتی سروشتی هەیە.
نیشانەکانی باڵغبوون لە نێرینەدا
- درێژی و قەبارەی ئەندامی نێرینە زیاد دەکات.
- گەشەکردنی بەرچاوی کۆئەندامی زاوزێ.
- گەشەکردنی موو لە ناوچە جیاوازەکانی لەش، وەک: سمێڵ، ناوچەی کۆئەندامی زاوزێ، قۆڵ، قاچ و سنگ.
- خەونی تەڕ بریتییە لە بینینی جووتبوونی سێکسی لە خەودا، کە دەبێتە هۆی دەردانی مەنی.
- گۆڕانکارییەکی بەرچاو لە تۆنی دەنگدا.
- دەرکەوتنی زیپکە لەسەر ڕوخسار، بەهۆی هەندێک گۆڕانکاری لە هۆرمۆنەکاندا.
- بەرز بوونی باڵا.
نیشانەکانی باڵغبوون لە مێینەکاندا
- گەشەکردنی موو لە ناوچە جیاوازەکانی لەش، وەک: ناوچەی زاوزێ، ژێر باڵ، دەست، و پێیەکان.
- گەشەی مەمک.
- بەرز بوونی باڵا
- دەرکەوتنی زیپکە لەسەر ڕوخسار لە ئەنجامی هەندێک گۆڕانکاری لە هۆرمۆنەکاندا.
- فراوانبوونی ئێسکی حەوز.
- ڕوودانی سوڕی مانگانە و خوێنبەربوونی سوڕی مانگانە.
- نەرمی دەنگ.
ڕێچکەی سروشتی بۆ گرنگیدان بە جەستە
ڕێچکەیەکی سروشتی بۆ لابردنی بۆنی ئارەقە
- لیمۆ: پێش ئەوەی خۆت بشۆیت، نیو لیمۆ بخە ژێر باڵت مەساجی پێبکە و پاشان بیشۆ، ڕۆژانە جارێک ئەم ڕەچەتەیە دووبارە بکەوە، یان شەربەتی لیمۆ لەگەڵ نیو کوپ ئاو تێکەڵ بکە، و بە پارچەیەک پەمۆی پاک لەسەر ژێر باڵ دایبنێ و ١٠ خولەک پێش شوشتنی جەستەت ئەم کارە ئەنجام بدە.
- زەیتی درەختی چا: دوو کەوچکی چێشت زەیتی دارچای لەگەڵ کەمێک ئاو تێکەڵ بکە، پاشان بیخە ناو بوتڵێکی سپرا، بۆ ئەوەی وەکو بۆنخۆشکەر بەکاری بهێنیت.
ڕێچکەیەکی سروشتی بۆ چارەسەرکردنی زیپکە
- پاپایا: پاپایایەک ورد بکە، پاشان بیخە سەر شوێنی تووشبوو بۆ ماوەی نیو کاتژمێر پێش ئەوەی بە ئاوی شلەتێن بیشۆیت.
- خەیار: چەند پارچە خەیارێک بخەرە سەر شوێنی تووشبوو بۆ ماوەی نیو کاتژمێر پێش ئەوەی بە ئاوی سارد بیشۆیت.
سەرچاوەکان
80 بینین
