هۆکارەکانی دڵەکزێ

دڵەکزێ چییە؟

دڵەکزێ (بە ئینگلیزی: Heartburn، بە عەرەبی: حرقة المعدة) بریتیە لە هەڵگەرانەوەی ترشەڵۆکی گەدە بۆ سورێنچک .هەست کردن بە سووتانەوە لە بەشی سەرەوەی گەدە و بەرەو قوڕگ، هەندیک جار گەیشتنی ئەو ترشەلۆکە بۆ ناو دەم.

هۆکارەکانی دڵەکزێ چییە؟

پسپۆڕێکی تایبەت بە نەشتەرگەریی گشتی ئاماژەی بە هۆکارەکانی دڵەکزێ کردووە، گەڕاندویەتییەوە بۆ خواردنی میوە و مزرەمەنییەکان و خواردنەوەی قاوە لە شەودا.

• خواردنەوەی قاوە، خواردنەوە گازییەکان. خواردنەوە کحولییەکان، سۆدا و ھەر خواردنەوەیەک کافایینی تیدایە بەتایبەت لەشەواندا.
• مزرەمەنییەکان وەکوو لیمۆ، ئەنەناس و پرتەقاڵ ھۆکارێکن بۆ دڵەکزێ.
• ئیشی ھەویری، بە تایبەتی کاتێک زۆر چەور بێت وەک کێک و کولیچە و چۆرەک و جۆرەکانی تر.
• خواردنی سوورکراوە و ئەو خواردنانەی لەکاتی ئامادەکردنی ڕۆنی زۆر بە کاردەھێنرێت.
• جگەرەکێشان، زیادەڕۆیی لە خواردنەوە کحولییەکان، چونکە هۆکارن بۆ لاوازکردنی کۆئەندامی دەمار.
• زیادبوونی کێش، قەڵەوی و دووگیانی لە ئافرەتان ھۆکاریکی تری دڵەکزێن.
• پشتێن بەستن یان لەبەرکردنی جلێکی تەسک و ناڕەحەت.
• .بەکارهێنانی هەندیک دەرمانی ئازارشکێن
  
• .ھەوکردنی گەدە

خۆپاراستن لە دڵەکزێ

• دابەزاندنی کێشی زیادەی لەش و وەرزش کردن.
• دورکەوتنەوە لە خواردنە زۆر چەورەکان و زۆر خواردنەوەی قاوە و شکولاتە.
• زیادەڕۆیی نەکردن لە خواردن.
• بەکارهێنانی دەرمانی ئازارشکێن لە ژێر چاودێری دکتۆر.
• لەبەرنەکردنی جلوبەرگی زۆر تەسک.
• دوورکەوتنەوە لە خواردن سێ بۆ چوار کاتژمێر بەر لە نووستن.
• چارەسەرکردنی هەوکردنی گەدە ئەگەر هەبوو.

سەرچاوەکان

1. ماڵپەڕی ئینسایکلۆپیدیای زانیاری