دژەخۆرەكان

له‌لایه‌ن: محەمەد ڕزگار - به‌روار: 2021-01-27-20:27:00 - کۆدی بابەت: 1699
دژەخۆرەكان

ناوه‌ڕۆك

دژە خۆرەکان

بەو دەرمانانەی کە ڕێگا لە کارتێکەریی سەرو وەنەوشەیی خۆر دەگرن بۆ ناو قوڵایی پێست پێیان دەوترێ دژە خۆرەکان، لەوێوە کە تیشکی سەرو وەنەوشەیی ئاسەوارگەلێکی لە دروست کردنی شێرپەنجەی پێست بە هەموو جۆرەکانیەوە، زیاتر بوونی پیری پیست و خراپ تربوونی هەندێک لە نەخۆشییەكانی تری پێست بۆ بەکارهێنانی دژە خۆرەکان ئەم کاریگەرییە کەم دەبێتەوە.
دژە خۆرەکانیش بەپێی کاریگەرییان پلە پلە کراون، پلەکانیشیان بە ناوی (SPF) دانراوە، ماوەی کاریگەری هەر دژە خۆرێک بەستراوە بە پلەی (SPF)ەکەی و پێستی کەسەکە ئەگەر پێستی کەسێک پاش ٣٠ خولەک لەبەر خۆردا سور هەڵگەڕاو دووچاری سوتانەوەی پێست بوو، ئەوا دەبێت دژە خۆری پلە (٤) بەکاربهێنێت ئەم پلە (٤)ەش لەوەوە هاتووە کە ئەگەر (٤x٣٠) دەکاتە (١٢٠) دەقیقە. ڕێژەی (SPF) لە هەر دژە خۆرێکدا لەسەر نوسراوە باشترین بەکارهێنانی دژە خۆر ئەوەیە کە نیو کاتژمێر پێش ئەوەی لە ماڵ بچیتە دەرەوە بچیتە بەر خۆر، دژە خۆرەکە بدە لەو شوێنانەی کە رآستەوخۆ خۆری لیدەدرێت، بە شێوەیەکی قوڵ تێی بهەڵسووئ ئەگەر سەرتان مووی پێوە نییە دەبێت دژە خۆر لەسەریشتان بدەن. ئەگەر چوون بۆ خلیسکێنەی سەر بەفر دەبێت حەتمەن دژە خۆر بەکاربهێنن چونکە لەوانەیە بەفر تیشکی سەروو وەنەوشەیی بداتەوە و بگات بە پێست هەروەها لە کاتی مەلەکردن و ئارەق کردنەوەی زۆردا بۆ هەموو کاتژمێر یان سی کاتژمێر جارێک دژە خۆر بەکاربهێنن چونکە لەوانەیە ئەم دژە خۆرە بەهۆی تەڕییەوە کاریگەری نەمێنێت. چەند جاریش کە ئێوە دژە خۆر بەکاربهێنن هەما ڕێژەی (SPF)ی هەیە بە شێوەیەکی بۆ نمونە ئەگەر (٣) جار لە دژە خۆرێک کە کاریگەرییەکەی (٤) (SPF) بێت هەمان کاریگەری دەمێنێتەوە، واتە بەو (٣) جارە نابێتە (١٢) (SPF) کاریگەرییەکەی.
هیچ کاتێک بۆ منداڵانی ژێر (١) مانگی دژە خۆر بەکارمەهێنن مەگەر ئەوە کە دکتۆر بڵێت، هەروەها خانمانی سک پڕیش باشتر وایە ئەم کرێمە بەکارنەهێنن. ئەوەشتان لە بیر نەچێت کە تەنها (١٠) خولەک لە ژێر تیشکی خۆردا بوون لە ڕۆژێکدا بۆ دروست کردنی ڤیتامین (D) بەسە بۆ لەش.


سەرچاوەکان

44 بینین