ناوه‌ڕۆك
ناساندن
سوودەکانی ڕۆژوو شکاندن بە خورما (بە ئینگلیزی: The benefits of breaking fasting by dates، بە عەرەبی: فوائد الإفطار حسب التمر) لەگەڵ دەستپێکردنی مانگی ڕەمەزان، یەکێک لە باوترین بەرهەمە خۆراکییەکان خورمایە. بە وشککراوی، تێکەڵ لەگەڵ شیر، تەنانەت گیراوە و شیرینیشی لێ دروستدەکرێ واتا لە هەموو شێوەکان بەردەست دەبێت. لە مانگی ڕەمەزان لە ناو مزگەوتەکان و دەوروبەریدا ژمارەیەکی زۆر لە خورما دادەنرێت و بە سەردانیکەرانی ئەو شوێنانە دەدرێت. لە کاتێکدا زۆربەمان چێژ لە خواردنی خورما دەبینین، بەڵام لەگەڵ ئەوەشدا کۆمەڵێک سوودی تایبەتی هەیە کە هێشتا زۆر کەس هۆکاری ڕاستەقینەی ناوبانگی خورما نازانن. هەروەها هۆکارێکی مێژوویی و ئایینی و زانستی هەیە بۆ گرنگیدان بە خورما لە مانگی ڕەمەزاندا.
گرنگی خورما لە کاتی ڕۆژوو شکاندن
- لە چەندین حەدیسدا ئاماژە بەوە کراوە کە خورما یەکێک بووە لە خواردنە دڵخوازەکانی پێغەمبەر محەمەد ﷺ. شکاندنی ڕۆژوو لەگەڵ خورما بە شێوەیەکی بەرفراوان ئاماژەی پێکراوە، بۆیە هێشتا یەکێکە لە باشترین ڕێگاکان.
- سەرچاوە هەیە ئاماژە بەوە دەکات کە پێغەمبەر محەمەد ﷺ دەڵێت خورما باشترین ڕێگایە بۆ شکاندنی ڕۆژوو، و کاتێک بەردەست نییە، دەبێت ئاو بەکاربهێنرێت چونکە هەردووکیان پاک و چارەسەرکەرن.
- خواردنی حەوت دەنک خورما لە بەیانیاندا یارمەتیدەرە بۆ ڕزگاربوون لە ژەهری لەش.
- دوای ڕۆژێکی تەواو لە ڕۆژوو، جەستە پێویستی بە وزە هەیە، لەبەر ئەوەی خورما پڕە لە شەکر، کە ئەو ووزەیەت دەداتێ کە زۆر پێویستتە. خواردنی تر کاتی دەوێت و لەوانەیە یارمەتیدەر نەبێت بۆ ڕزگاربوون لە ماندوێتی لە ڕۆژووگرتن بە خێرایی.
- هەروەها دەوڵەمەندە بە ڤیتامین و کانزای جۆراوجۆر. ڤیتامین ئەی، ڤیتامین B6، ترشی فۆلیک، پۆتاسیۆم، مەگنیسیۆم، و سۆدیۆم بە ڕێژەیەکی باش لە خورمادا دەدۆزرێنەوە. بە درێژایی ڕۆژ بەڕۆژوو بوون، ئەمە یارمەتیدەر دەبێت بۆ بەدەستهێنانی ووزە و بەهێزکردنی جەستە.
- خورما ئاسانە لەسەر گەدەی کەسی ڕۆژووەوان، ئاسان هەرس دەکرێت، بۆیە لە خواردنەکانی تر بە باشتر دادەنرێت.
- یەکەم جار خواردنی خورما دەبێتە هۆی کەمکردنەوەی کێشەی برسێتی، بۆیە زۆر خواردنی لە کاتی ئیفتاردا دەبێت کۆنترۆڵ بکرێت. بەمەش بە شێوەیەکی ناڕاستەوخۆ یارمەتی کۆنترۆڵکردنی کێش دەدات.
- خورما دەوڵەمەندە بە ڕیشاڵ و بۆیە یارمەتیدەرە لە خۆ بەدوورگرتن لە قەبزی کە ئەگەری زۆرە لە ماوەی مانگی ڕەمەزان کەسی ڕۆژووەوان دووچاری ببێت.
- خورماکان لە سروشتدا تفتن، بۆیە یارمەتیدەرن بۆ هاوسەنگی کردنی ترشەکان لە گەدەدا دوای ڕۆژێکی پڕ لە ڕۆژووگرتن.
هەر بۆیە دەتوانن لە مانگی ڕەمەزان سوودی زۆر لە خواردنی خورما وەربگرن و بیکەنە بەشێکی سەرەکی وەک خۆراکە ماددە لە ژەمە سەرەکییەکانتاندا. لە حاڵەتی نیگەرانی یان پرسیارکردن، هەمیشە دەتوانیت ڕاوێژ بە پسپۆڕێک بکەیت و وەڵامی پرسیارەکانت وەربگریت.
