ناوه‌ڕۆك
سەرەتا
ماددەی کافایین بریتییە لە هاندەرێکی سروشتی کە بە شێوەیەکی باو لە چای و قاوە و ڕووەکەکانی کاکاودا بوونی هەیە، بەکارهێنانی کافایین بە شێوەیەکی گشتی سەلامەتە، زیانە لاوەکییەکانی پەیوەستکراوە بە بەکارهێنانی زیاد لە پێویستی، زیانەکانیش بریتیین لە: دڵەڕاوکێ، ماندوویەتی بەردەوام، ناڕێکی لێدانی دڵ، کێشەی خەوتن و لەرزین، هەروەها کافایین زۆر بە ئاسانی دەتوانێت بەناو وێڵاشدا تێپەڕ ببێت کە ئەمەش مەترسی لەبارچوون و کەمی کێشی منداڵ زیاد دەکات، بۆیە پێویستە خانمانی دووگیان خواردنەوەی کافایین سنووردار بکەن، کافایین دەتوانێت لەگەڵ چەند جۆرێکی دەرماندا کارلێک بکات، ئەو کەسانەی دەرمانی خاوکردنەوەی ماسولکەی Zanaflex و دژە خەمۆکی Luvox بەکاردێنن دەبێت دووربن لە کافایین.
ئەو دەرمانانەی کە کارلێک لەگەڵ چاو قاوە دەکەن و کایگەرییان ئەگۆڕێت
یەک: adenosine / ئەم دەرمانە پێش پشکنینی دڵ ئەدرێت بە نەخۆش، لەگەڵ کافایین کارلێک ئەکات و کاریگەری ناهێڵێت.
دوو: Quinolone antibiotic / تێکشکاندنی کافایین لەلایەن لەشەوە خاو ئەکەنەوە، سەر ئێشە و زیادبوونی لێدانی دڵ دروست ئەکەن.
سێ: Cimetidine / هەمان کاریگەری Quinolone antibiotics هەیە.
چوار: Clozapine / چا تێکشکاندنی clozapine خاو ئەکاتەوەو کاریگەری کەم ئەکاتەوە.
پێنج: dipyramidamole / کاریگەری ئەم دەرمانە ناهێڵێت.
شەش: disulfirum / خووران و کەم خەوی زیاد ئەکات.
حەوت: Ephedrine / هاندەری دەمارە خانەکانە لەگەڵ چا زیاد لە پێویست هانی دەمارە خانەکانەکان ئەدەن.
هەشت: Fluvoxamine / تێکشکاندنی کافایین خاو دەکاتەوە و کاریگەری زیاد ئەکات.
نۆ: medications for depression / لەگەڵ چا لەش زۆر هان ئەدەن و ئەبنە هۆی بەرزکردنەوەی پەستانی خوێن و لێدانی دڵ خێرا ئەکەن.
دە: anticoagulant/ antiplatelet / ئەگەر لەگەڵ ئەم دەرماناندا بخورێتەوە ئەگەری خوێن بەربوون و شینبوونەوە زیاد ئەکات.
یانزە: pentobarbital / ئەبێتە هۆی کەم خەوی.
دوانزە: riluzole / کافایین تێکشکاندنی riluzole هێواش ئەکاتەوە.
سیانزە: terbinafine , Mexiletine , verapamil, birth pill control , fluconazole / هەموو ئەمانە تێکشکاندنی کافایین خاو ئەکەنەوەو کاریگەری کافایین لەسەر لەش زیاد ئەکەن.
چواردە: warfarin/ بۆ خوێن مەیین بەکار دێت خواردنی چا پرۆسەی مەیینی خوێنەکە خاو ئەکاتەوە.
