تیرۆرەکانی دەیەی ٢٠١٠

ناساندن

دەیەی ٢٠١٠ (بە عەرەبی: عقد ٢٠١٠، بە ئینگلیزی: ٢٠١٠s) ئەو دەیە بوو کە لە یەکەمی کانوونی دووەمی ٢٠١٠ دەستی پێکرد و لە ٣١ی کانوونی دووەمی ٢٠١٩ کۆتایی هات. ئەم دەیە لە نێوان قەیرانی دارایی جیهانی و دواتر پاشەکشەی نێودەوڵەتی دەستی پێکرد کە مێژووەکەی دەگەڕێتەوە بۆ کۆتاییەکانی ٢٠٠٠. پرسە ئابوورییەکان، وەکو خۆپارێزی و هەڵاوسان و بەرزبوونەوەی نرخی کاڵاکان، بووە هۆی نائارامی لە زۆرێک لە وڵاتان.

تیرۆرەکانی دەیەی ٢٠١٠

ڕێکەوت	ڕووداو
٨ی کانوونی دووەمی ٢٠١١	لە ئەنجامی تەقەکردنێکدا لە نزیک شاری توکسۆن، دادوەری فیدراڵی ویلایەتە یەکگرتووەکانی ئەمریکا جۆن ڕۆڵ و ٥ کەسی دیکە کوژران و ١٣ کەسی دیکەش برینداربوون.
٢ی ئایاری ٢٠١١	ئوسامە بن لادن، دامەزرێنەر و سەرۆکی گرووپی ئیسلامیی چەکداری قاعیدە، لە ئۆپەراسیۆنێکدا کە تیمێکی کۆماندۆکانی هێزی دەریایی ئەمریکا ئەنجامیاندا، لە ئابۆتابادی پاکستان کوژرا.
٣٠ی ئەیلوولی ٢٠١١	ئەنوەر عەولەقی، پلاندانەر و سەرکردەی ڕۆحی ڕێکخراوی قاعیدە، لە کوشتنێکی ئامانجدار لە پارێزگای ئەلجەوف لە باکووری یەمەن، لە هێرشێکی فڕۆکەی بێفڕۆکەواندا کوژرا.
٢٠ی تشرینی یەکەمی ٢٠١١	موعەمەر قەزافی سەرکردەی لیبیا لە شاری سێرت بە گولـلە کوژرا.
٤ی ئەیلوولی ٢٠١٢	پاولین مارۆیس، سەرۆکوەزیرانی ڕاسپێردراوی کیوبیک، لە کاتی وتاری سەرکەوتنیدا لە مردن ڕزگاری بوو، دوای ئەوەی ڕیچارد هێنری بەین تەقەی لە میترۆپۆلیس لە شاری مۆنتریال کرد و کەسێکی کوشت و کەسێکی دیکەش بە سەختی بریندار بوو.
٩ی تشرینی یەکەمی ٢٠١٢	مەلالە یوسفزای، چالاکوانی مافی ژنانی پاکستانی، لە هەوڵێکی تیرۆرکردنی تاڵیبان ڕزگاری بوو لە پاکستان.
٢٧ی شوباتی ٢٠١٥	بۆریس نمتسۆڤ، فیزیازان، دەوڵەتمەدار و سیاسەتمەداری ئۆپۆزسیۆنی ڕووسی، لەسەر پردی بۆلشۆی مۆسکڤۆرێتسکی لە ناوەڕاستی مۆسکۆی ڕووسیا، لە بەرانبەر کۆشکی کرێملین تیرۆر کرا.
١٦ی حوزەیرانی ٢٠١٦	جۆ کۆکس، پەرلەمانتاری بەریتانیا، لە شاری بیرستاڵ لە ئینگلتەرا لەلایەن کەسێکی باڵادەستی سپی پێستی نیو نازییەوە تەقەی لێکرا و بە چەقۆ کوژرا. یەکەم پەرلەمانتاری بەریتانیا بوو کە لە ماوەی زیاتر لە چارەک سەدەیەکدا تیرۆرکرا و یەکەم ژنە سیاسەتمەدار بوو لە بەریتانیا کە تیرۆرکرابێت.
١٩ی کانوونی دووەمی ٢٠١٦	ئاندرێ کارلۆڤ باڵیۆزی ڕووسیا لە تورکیا لە گەلەرییەکی هونەری لە ئەنقەرە لەلایەن پۆلیسێکی دەرەوەی ئەرکەوە تەقەی لێکرا و کوژرا.
١٣ی شوباتی ٢٠١٧	کیم جۆنگ نام، کوڕی گەورەی کیم جۆنگ ئیل، لەلایەن دوو ژنەوە لە مالیزیا بە مادەی دەماری VX تیرۆرکرا.
٤ی ئازاری ٢٠١٨	سێرگی سکریپاڵ کە پێشتر بریکاری ڕووسیا بوو، شانبەشانی کچەکەی یولیا لە شاری سالزبێری بە دەرمانێک بەناوی نۆڤیچۆکەوە ژەهراوی کران.
٢ی تەممووزی ٢٠١٨	ئەنتۆنیۆ هالیلی، سەرۆکی شارەوانی تاناوان لە باتانگاس، لەکاتی بەشداریکردنی لە مەراسیمی بەرزکردنەوەی ئاڵادا لەگەڵ نزیکەی ٣٠٠ کارمەندی حکوومەت و بەرپرسانی تازە هەڵبژێردراوی بارانگای لەلایەن چەکدارێکی نەناسراوەوە تیرۆرکرا.
٢ی تشرینی یەکەمی ٢٠١٨	جەمال خاشوقچی، ناڕازییەکی عەرەبی سعوودی و ڕۆژنامەنووسی ڕۆژنامەی واشنتۆن پۆست، لە کونسوڵخانەی سعوودیە لەلایەن حکوومەتی سعوودیەوە لە ئیستەنبووڵی تورکیا تیرۆرکرا.
١٣ی کانوونی دووەمی ٢٠١٩	پاوێل ئادامۆڤیچ، سەرۆکی شارەوانی شاری گدانسک لە میانی چالاکییەکی خێرخوازی ڕاستەوخۆدا لە شاری گدانسک لەلایەن زیندانییەکی پێشووەوە بە چەقۆ کوژرا. ڕۆژی دواتر کۆچی دوایی کرد.
٢٧ی تشرینی یەکەمی ٢٠١٩	ئەبووبەکر بەغدادی سەرکردەی داعش لە کاتی هەڵمەتێکی هێزە تایبەتەکانی ئەمریکا لە باکووری ڕۆژاوای سووریا کوژرا.

 

سەرچاوەکان

1. "A History of Conflict". BBC News. Retrieved 26 June 2016.
2. "About". Billboard Music Awards. Retrieved 21 February 2022.
3. "Israeli settlement plan denounced". BBC News. 18 November 2009. Retrieved 26 June 2016.
4. Bear, Shalom (8 July 2014). "IDF's Operation "Protective Edge" Begins Against Gaza". The Jewish Press. Retrieved 26 June 2016.
5. Fletcher, Damien (1 January 2010). "What should we call the decade after the noughties?". Daily Mirror. Retrieved 20 December 2017.
6. https://www.macrotrends.net/countries/WLD/world/population-growth-rate
7. Jones, Sam (1 January 2010). "A new decade: what's in a name?". The Guardian. United Kingdom. Archived from the original on 6 January 2010. Retrieved 12 January 2010.
8. Kucera, Joshua (30 May 2018). "Azerbaijani military advances on tense Nakhchivan-Armenia border | Eurasianet". Eurasianet. Retrieved 24 December 2020.
9. Tartaglione, Nancy (13 March 2021). "'Avatar' Overtakes 'Avengers: Endgame' As All-Time Highest-Grossing Film Worldwide; Rises To $2.8B Amid China Reissue – Update". Deadline Hollywood. Retrieved 13 March 2021.